डडेल्धुराका पूर्वसभापति मल्ललाई पार्टीबाट निस्काशन गरिएको घटनाप्रति शेखर कोइरालाद्धारा असन्तुष्टि व्यक्त – Naya Bikalpa
November 20, 2026, Friday      Epaper

डडेल्धुराका पूर्वसभापति मल्ललाई पार्टीबाट निस्काशन गरिएको घटनाप्रति शेखर कोइरालाद्धारा असन्तुष्टि व्यक्त

नयाँ विकल्प,

काठमाडौं – नेपाली कांग्रेसका केन्द्रीय सदस्य डा.शेखर कोइरालाले पार्टीले स्थानीय तहको निर्वाचनमा टिकट वितरणमा न्याय नभएको भन्दै असन्तुष्टि जनाएका छन् ।

बुधबार वक्तव्य जारी गर्दै कोइरालाले पार्टी नेतृत्वप्रति असन्तुष्टि जनाएका हुन् । टिकट वितरणमा मापदण्ड बनाई अगाडि बढेको भए सबैप्रति न्याय गर्न सकिन्थ्यो तर पार्टी त्यो नगरेकाले टिकट वितरणमा अन्याय भएको उनको भनाइ छ ।

जारी वक्तव्यमा बारम्बार केन्द्रीय समिति, कार्यसम्पादन समिति र सामूहिक रुपमा कुरा उठाउँदा पनि ध्यानपूर्वक नेतृत्वले नसुनेको उनले बताए ।

उनले जीवनभर कांग्रेसको सिद्धान्त, मूल्यपद्धति र आदर्शप्रति समर्पित वरिष्ठहरु नै पार्टी छाडी अन्य पार्टीमा ओत लाग्न पुगेको बताएका छन् । ’कैयौँ साथीहरु स्वतन्त्र उमेदवारको रुपमा चुनावी मैदानमा जान बाध्य हुनुहुन्छ ।

ती साथीहरुलाई कांग्रेसको मुल प्रवाहमा फर्कन म आग्रह गर्दछु,’ उनले भनेका छन्, ’त्यस्तै टिकट वितरणमा आर्थिक चलखेल र अनियमितता भयो भन्ने कुराहरु पनि यतिखेर सार्वजनिक भइरहेका छन र त्यसको पीडा इमान्दार र निष्ठावान कार्यकर्ताहरु भोग्दैछन ।’

प्रधानमन्त्रीसमेत रहेका कांग्रेस सभापति शेरबहादुर देउवाले मंगलबार मात्र कांग्रेस डडेल्धुराका पूर्वसभापति कर्ण मल्ललाई पार्टीबाट निस्काशन गरेका थिए । कोइरालाले यो घटनालाई संकेत गर्दै असन्तुष्टि जनाएका छन् ।

’सबैभन्दा दुःखको कुरा त आफूसँग असहमत भएकै कारण कैयन साथीहरुको राजनीतिक जीवन समाप्त पार्ने योजनाबद्ध प्रयत्नहरु भएका छन् । कैयन साथीहरुलाई राज्य र पार्टी संयन्त्रको दुरुपयोग गरी अनेकन जालझेल मुद्दामा फसाएर तिनको राजनीतिक हत्या गर्ने षडयन्त्र पनि भएका छन । पार्टीभित्र रहेका यस्ता गलत कार्यहरु तत्काल अन्त्य हुनुपर्छ,’ उनले भनेका छन् ।

सम्बन्धित समाचार

काठमाडौँ उपत्यकाबाट ८८ ग्राम खैरो हेरोइन र नगदसहित ४ जना पक्राउ
काठमाडौँ उपत्यकाबाट ८८ ग्राम खैरो हेरोइन र नगदसहित ४ जना पक्राउ
  • २०७९ बैशाख १४, १३: ४७

ठमाडौँ, ३ मङ्सिर — काठमाडौँ उपत्यकाका विभिन्न स्थानबाट अवैध लागूऔषध खैरो हेरोइन र नगदसहित प्रहरीले चार जनालाई पक्राउ गरेको छ।...

निर्वाचनमा एमालेको पराजय अस्थायी हो : विद्यादेवी भण्डारी
निर्वाचनमा एमालेको पराजय अस्थायी हो : विद्यादेवी भण्डारी
  • २०७९ बैशाख १४, १३: ४७

काठमाडौं । नेकपा एमालेकी वरिष्ठ नेता तथा पूर्वराष्ट्रपति विद्यादेवी भण्डारीले गत फागुन २१ गते सम्पन्न निर्वाचनमा पार्टीले व्यहोरेको पराजय अस्थायी...

मकवानपुरमा सुमो राप्ती खोलामा खस्दा दुई जनाको मृत्यु, सात घाइते
मकवानपुरमा सुमो राप्ती खोलामा खस्दा दुई जनाको मृत्यु, सात घाइते
  • २०७९ बैशाख १४, १३: ४७

हेटौँडा । मकवानपुरको भीमफेदी गाउँपालिका–भैंसेमा सुमो दुर्घटना हुँदा दुई जनाको मृत्यु भएको छ भने सात जना घाइते भएका छन्। बिहीबार...