रियल म्याड्रिड च्याम्पियन्स लिगको फाइनलमा

नयाँ विकल्प संवाददाता
प्रकाशित मिती: २०७९ बैशाख २२, ०६: ५८

काठमाडौं । इंग्लिस क्लव म्यानचेस्टर सिटीलाई हराउँदै रियल म्याड्रिड च्याम्पियन्स लिगको फाइनलमा पुगेको छ ।

पहिलो लेगमा ४–३ गोल अन्तरमा पराजित भएको रियलले बुधबार राति आफ्नै मैदानमा भएको दोस्रो लेगमा ३–१ ले जित निकालेको हो । सेमिफाइनलमा ६–५ गोल अन्तरको जित निकाल्दै लिभरपुलसँगको फाइन भेट पक्का गरेको हो ।

रियललाई जिताउन गएराती रोड्रिगोले दुई तथा करिम बेन्जिमाले एक गोल गरेका थिए । माहरेजले खेलको ७३ औं मिनेटमा गोल गर्दै सिटीलाई सुरआती अग्रता दिलाए ।

तर अन्तिम मिनेटमा सिटी सम्हालिन नसक्दा रोड्रिगोले ९० औं मिनेटमा गोल गर्दै खेललाई बराबरीमा ल्याए । इन्जुरी समयमा रोड्रिगोले पुनः दोस्रो गोल गरेसँगै खेल बराबरीमा पुगेको थियो।

त्यसपछि अतिरिक्त समयमा धकेलिएको खेलमा रियलले बाजी मार्‍यो। पाँचौ मिनेटमा करिम बेन्जेमाले पेनाल्टीमा गोल गर्दै रियललाई महत्वपूर्ण जित दिलाए।रियलले अब उपाधिका लागि लिभरपुलसँग खेल्ने भएको छ।

सम्बन्धित समाचार

एनपीएल इतिहासकै उच्च लक्ष्य, पोखराले काठमाडौंलाई दियो २२५ रनको चुनौती

२०७९ बैशाख २२, ०६: ५८

काठमाडौं । राजधानीमा जारी तेस्रो संस्करणको नेपाल प्रिमियर लिग (एनपीएल) क्रिकेटअन्तर्गत आजको दोस्रो खेलमा पोखरा एभेन्जर्सले काठमाडौं गोर्खाजलाई २२५ रनको...