समिति गठनमा गुटगत भागबण्डा – Naya Bikalpa
November 20, 2026, Friday      Epaper

समिति गठनमा गुटगत भागबण्डा

काठमाडौं । कांग्रेस सभपाति शेरबहादुर देउवाले १३औं महाधिवेशनबाट सभापति जितेको तीन बर्षपछि र पार्टी बिधानलाई केन्द्रीय कार्य समितिले पारित गरेको एक महिनापछि आएर तीन समिति गठन गरेका छन् । पार्टीको बिधान अनुसार योग्य र क्षमतावानलाई भन्दा पनि सहमतिको आधारमा व्यक्ति छनोट गरी समिति गठन गरेका छन् ।

सहमतिको नाममा गुटगत सिफारिसमा नै दुई ति समितिहरु गठन भएका हुन् । पार्टीले संस्थागतभन्दा पनि गुटगत व्यवहारका कारण बिधान बमोजिम जीवित रहेको अनुशासनलाई भंग पनि नगरी अर्को अनुशासन समिति बनाइएको छ । २०७४ सालमा केन्द्रीय सदस्य रमेश रिजालको संयोजकत्वमा पाँच सदस्यीय अनुशासन समिति गठन गरिएको थियो । तर त्यो समिति भंग नै नगरी कांग्रेस सभापति देउवाले गुटगत भागबण्डा गरी पुन अनुसासन समिति बनाएका हुन् ।

समितिको सभापतिमा भीष्मराज आङदम्वे चयन भएका छन् भने सदस्यहरुमा सभापति देउवा निकटका समानुपातिक सांसद किशोर सिंह राठौर र देवेन्द्रराज कडेल छन भने नेता रामचन्द्र पौडेलको सिफारिसमा धनराज गुरुङ र नेता कृष्णप्रसाद सिटौलाको सिफारिसमा उमाकान्त चौधरी सिफारिस भएका थिए । चौधरी यसअघिको रमेश रिजालको समितिमा पनि सदस्य थिए ।

सभापति देउवाकी पत्नी डा. आरजु राणा देउवाको दबाबमा छानबिन नै नगरी कैलाली क्षेत्र नम्वर ६ का एक सय बढी नेता कार्यकर्तालाई तत्काल निलम्बन गर्न भनेपछि रिजाल संयोजकत्वको समिति कामबाट पछि हटेको थियो । संघिय संसदको निर्वाचनअघि स्थानीय तहको निर्वाचनमा अनुशासन विपरित क्रियाकलाप गरेकालाई कारबाहीको माग गर्दै परेका उजुरीमध्ये तीन सय जनामाथि प्रष्टीकरण समेत सोधिएको थियो ।

त्यस्तै, केन्द्रीय निर्वाचना समितिमा भने बरिष्ठ नेता रामचन्द्र निकटका राधेश्याम अधिकारीलाई नियुक्त गरिएको छ । यसअघि पनि अधिकारी नै संयोजक थिए । निर्वाचन समिति सदस्यहरुमा संस्थापन पक्षकै सिफारिसमा खम्बबहादुर खाति परेका छन् भने रामचन्द्र पौडेलको सिफारिसमा भने सिताराम केसी परेका छन् । त्यस्तै, पौडेल र सिटौलाको संयुक्त सिफारिसमा गोपालकृष्ण घिमिरे परेका छन् भने देउवाको सिफारिमा खासै गुटगत पक्ष र विपक्षमा नउभिएका एकराज पोखरेल निर्वाचन समिति सदस्यमा मनोनित भएका छन् ।

गत पुस ८ गते काठमाडौंमा सम्पन्न महासमिति बैठकको निर्णय र केन्द्रीय कार्य समितिको फागुन १२ गतेको बहुमतको निर्णयबाट पारित पार्टीको बिधान बमोजिम नियमावली बनाउन पाँच सदस्यीय नियमावली मस्यौदा समिति समेत गठन भएको छ ।

यो समितिको संयोजकमा देउवानिकटका केन्द्रीय सदस्य रमेश लेखक संयोजक तोकिएका छन् भने सदस्यमा संस्थापन पक्षबाटै मीन विश्वकर्मा र इश्वरी न्यौपाने परेका छने भने नेता रामचन्द्र पौडेलको गुटबा जीवन परियार परेका छन् । नेता कृष्णप्रसाद सिटौलाको गुटबाट भने केन्द्रीय सदस्य प्रदीप पौडेल परेका छन् । नियमावली मस्यौदा समितिका संयोजक लेखक र सदस्य पौडेल यसअघि पार्टीले गठन गरेको बिधान संशोधन मस्यौदा समितिको समेत सदस्य थिए ।

पार्टीको नियमावली बनेपछि मात्र बिधान बमोजिमको सदस्यता वितरण बुथ समिति गठन, प्रदेशसभा निर्वाचन क्षेत्र समिति अधिवेशन र प्रदेश कार्य समिति गठनको बाटो खुल्ने छ । कांग्रेसको महाधिवेशन अन्य अवस्था यथावत रहेकामा आगामी एक बर्षभित्र भइसक्नुपर्ने छ ।

विधान पारित गर्दा सभापति देउवाले बहुमतको आधारमा निर्णय गराएको भन्दै नेताहरु पौडेल र सिटौलाले अनुशासन समिति र निर्वाचत समिति पनि बहुमतको आधारमा निर्माण गरिए केन्द्रीय कार्य समिति बैठक बहिस्कार गर्ने चेतावनी दिएका थिए । पौडेल र सिटौलाको चेतावनी र धम्कीपछि देउवा दुवै नेताको सहमतिमा तीन समिति गठन गर्न राजी भएका हुन् ।

गत पुस ८ गते काठमाडौंमा सम्पन्न महासमिति बैठकको निर्णय र केन्द्रीय कार्य समितिको फागुन १२ गतेको बहुमतको निर्णयबाट पारित पार्टीको बिधान बमोजिम नियमावली बनाउन पाँच सदस्यीय नियमावली मस्यौदा समिति समेत गठन भएको छ ।

यो समितिको संयोजकमा देउवानिकटका केन्द्रीय सदस्य रमेश लेखक संयोजक तोकिएका छन् भने सदस्यमा संस्थापन पक्षबाटै मीन विश्वकर्मा र इश्वरी न्यौपाने परेका छने भने नेता रामचन्द्र पौडेलको गुटबा जीवन परियार परेका छन् । नेता कृष्णप्रसाद सिटौलाको गुटबाट भने केन्द्रीय सदस्य प्रदीप पौडेल परेका छन् । नियमावली मस्यौदा समितिका संयोजक लेखक र सदस्य पौडेल यसअघि पार्टीले गठन गरेको बिधान संशोधन मस्यौदा समितिको समेत सदस्य थिए ।

पार्टीको नियमावली बनेपछि मात्र बिधान बमोजिमको सदस्यता वितरण बुथ समिति गठन, प्रदेशसभा निर्वाचन क्षेत्र समिति अधिवेशन र प्रदेश कार्य समिति गठनको बाटो खुल्ने छ । कांग्रेसको महाधिवेशन अन्य अवस्था यथावत रहेकामा आगामी एक बर्षभित्र भइसक्नुपर्ने छ ।

विधान पारित गर्दा सभापति देउवाले बहुमतको आधारमा निर्णय गराएको भन्दै नेताहरु पौडेल र सिटौलाले अनुशासन समिति र निर्वाचत समिति पनि बहुमतको आधारमा निर्माण गरिए केन्द्रीय कार्य समिति बैठक बहिस्कार गर्ने चेतावनी दिएका थिए । पौडेल र सिटौलाको चेतावनी र धम्कीपछि देउवा दुवै नेताको सहमतिमा तीन समिति गठन गर्न राजी भएका हुन् ।

सम्बन्धित समाचार

जसपा नेपालका १८ जनप्रतिनिधिको पद रिक्त
जसपा नेपालका १८ जनप्रतिनिधिको पद रिक्त
  • २०७५ चैत्र १३, १०: १६

काठमाडौं । निर्वाचन आयोगले जनता समाजवादी पार्टी (जसपा) नेपालबाट स्थानीय तह निर्वाचन २०७९ मा निर्वाचित १८ जना जनप्रतिनिधिको पद स्वतः...

राष्ट्रपति पौडेलद्वारा काठमाडौं–तराई द्रुतमार्गको महादेवटार सुरुङ ‘ब्रेक थ्रु’
राष्ट्रपति पौडेलद्वारा काठमाडौं–तराई द्रुतमार्गको महादेवटार सुरुङ ‘ब्रेक थ्रु’
  • २०७५ चैत्र १३, १०: १६

काठमाडौँ । राष्ट्रपति रामचन्द्र पौडेलले राष्ट्रिय गौरवको आयोजना काठमाडौं–तराई/मधेश द्रुतमार्गअन्तर्गत मकवानपुरस्थित महादेवटार सुरुङको बुधबार ‘ब्रेक थ्रु’ गरेका छन् । ३...

प्रधानमन्त्री शाह र भारतीय राजदूत दलेलाबीच शिष्टाचार भेटवार्ता
प्रधानमन्त्री शाह र भारतीय राजदूत दलेलाबीच शिष्टाचार भेटवार्ता
  • २०७५ चैत्र १३, १०: १६

काठमाडौं । प्रधानमन्त्री वालेन्द्र शाह र नेपालका लागि नवनियुक्त भारतीय राजदूत सुधाकर दलेलाबीच सिंहदरबारस्थित प्रधानमन्त्री तथा मन्त्रिपरिषद्को कार्यालयमा बुधबार शिष्टाचार...