पार्टी कार्यालय निर्माण गर्ने र पार्टी एकता गने रामकृष्ण रहेनन् – Naya Bikalpa
November 20, 2026, Friday      Epaper

पार्टी कार्यालय निर्माण गर्ने र पार्टी एकता गने रामकृष्ण रहेनन्

काठमाडौं । नेपाली कांग्रेसका पूर्वकोषाध्यक्ष तथा पूर्वमन्त्री रामकृष्ण ताम्रकारको निधन भएको छ । लामो समयदेखि बोनम्यारो क्यान्सरका कारण भारतको टाटा क्यान्सर अस्पतादेखि कलकत्ता र नेपालकै अस्पतालमा उपचार गराइरहेका ताम्रकारको बैशाख ९ गते निधन भएको हो ।

इमान्दार, स्वच्छ छवि र बौद्धिक व्यक्तित्वको रुपमा चिनिएका ताम्रकार रुपन्देही र त्यसमा पनि भैरहवा क्षेत्रका स्थापित र लोकप्रीय नेता पनि हुन् ।

कांग्रेसका तत्कालिन सभापति गिरिजाप्रसाद कोइरालाले विश्वास र भरोषा गरेका ताम्रकारले कांग्रेसबाट प्रधानमन्त्री भएका शेरबहादुर देउवाले पार्टी छोडेर नेपाली कांग्रेस प्रजातान्त्रिक गठन गरेपनि ताम्रकारले टेकुमा भाडामा संचालित कांग्रेस पार्टी कार्यालयमा आफ्नै भवन सानेपामा सार्ने काममा योगदान दिएका थिए । त्यसबेला ताम्रकारलाई तत्कालिन सहमहामन्त्री गोविन्दराज जोशी र पूर्वअर्थमन्त्री डा. रामशरण महतले साथ दिएका थिए ।

२०४८ सालपछि गिरिजाप्रसाद कोइरालाको नेतृत्वमा बनेको सरकारमा उद्योग, वाणिज्य तथा आपूर्ती मन्त्री र पछि श्रम मन्त्री हँदा नै ताम्रकारले बैदेशीक रोजगारीको लागि नेपाली दक्ष कामदारलाई खाडी र मलेसियामा जाने अवसर प्रदान गरेका थिए ।

पार्टी सभापति कोइरालाका विश्वास पात्र ताम्रकार कांग्रेसको केन्द्रीय कोषाध्यक्ष पनि भए । एउटै विचार र सिद्धान्त बोके पनि अलग संगठनात्मक स्वरुप भएको नेपाली कांग्रेस प्रजातान्त्रिक र त्यसका सभापति शेरबहादुुर देउवासँ वार्ता गरी कांग्रेसमा कांग्रेस प्रजातान्त्रिकको एकीकरण गर्नमा ताम्रकारको भूमिका प्रमुख थियो । पार्टी एकीकरण हुँदा उनले आफूले पाएको कोषाध्यक्ष पद समेत त्याग गरेका थिए ।

बोनम्यारो क्यान्सर रोगको उपचार विदेशमा गराइरहँदा देशमा आफ्नै पार्टी नेपाली कांग्रेसका सभपाति शेरबहादुर देउवा प्रधानमन्त्री थिए । तर, उनले एक रुपैयाँ पनि उपचारवापतको सुविधा पाएनन् । उपचार खर्च र सहयोगको याचना गर्दा समेत देउवा प्रधानमन्त्री हुँदा शाही सरकारका उपाध्यक्ष तुलसी गिरीलाई २५ लाख रुपैयाँ उपलब्ध गराइए पनि ताम्रकारलाई भने एक रुपैयाँ पनि दिइएन । त्यसपछि उनको परिवारले कांग्रेस पार्टीको नेतृत्वसँगको सहयोगको आशा गुमाएको थियो । पछि कांग्रेसकै केही नेताको पहलमा नेकपाका अध्यक्ष तथा प्रधानमन्त्री केपी शर्मा ओलीले १५ लाख रुपैयाँ उपचार सहयोग गरेका थिए ।

बौद्ध परम्परा अनुसार पशुपति आर्यघाटमा अन्त्येष्टी गरिएको ताम्रकारप्रति श्रद्धाञ्जली दिन कांग्रेस सभापति तथा पूर्वप्रधानमन्त्री शेरबहादुर देउवा, नेता रामचन्द्र पौडेल, महामन्त्री डा. शशांक कोइराला, पूर्वमहामन्त्रीद्धय प्रकाशमान सिंह र कृष्णप्रसाद सिटौला लगायतका नेता तथा कार्यकता पशुपति आर्यघाट पुग्नु भएको थियो । स्वर्गीय ताम्रकारलाई छोरा प्रबुद्ध बज्राचार्यले दागबत्ति दिनु भएको थियो । ताम्रकारका श्रीमती जमुनादेवी ताम्रकार, छोरा प्रवुद्ध र एक छोरी हुनुहुन्छ ।

सम्बन्धित समाचार

जसपा नेपालका १८ जनप्रतिनिधिको पद रिक्त
जसपा नेपालका १८ जनप्रतिनिधिको पद रिक्त
  • २०७६ बैशाख १६, ०८: ४५

काठमाडौं । निर्वाचन आयोगले जनता समाजवादी पार्टी (जसपा) नेपालबाट स्थानीय तह निर्वाचन २०७९ मा निर्वाचित १८ जना जनप्रतिनिधिको पद स्वतः...

राष्ट्रपति पौडेलद्वारा काठमाडौं–तराई द्रुतमार्गको महादेवटार सुरुङ ‘ब्रेक थ्रु’
राष्ट्रपति पौडेलद्वारा काठमाडौं–तराई द्रुतमार्गको महादेवटार सुरुङ ‘ब्रेक थ्रु’
  • २०७६ बैशाख १६, ०८: ४५

काठमाडौँ । राष्ट्रपति रामचन्द्र पौडेलले राष्ट्रिय गौरवको आयोजना काठमाडौं–तराई/मधेश द्रुतमार्गअन्तर्गत मकवानपुरस्थित महादेवटार सुरुङको बुधबार ‘ब्रेक थ्रु’ गरेका छन् । ३...

प्रधानमन्त्री शाह र भारतीय राजदूत दलेलाबीच शिष्टाचार भेटवार्ता
प्रधानमन्त्री शाह र भारतीय राजदूत दलेलाबीच शिष्टाचार भेटवार्ता
  • २०७६ बैशाख १६, ०८: ४५

काठमाडौं । प्रधानमन्त्री वालेन्द्र शाह र नेपालका लागि नवनियुक्त भारतीय राजदूत सुधाकर दलेलाबीच सिंहदरबारस्थित प्रधानमन्त्री तथा मन्त्रिपरिषद्को कार्यालयमा बुधबार शिष्टाचार...