देउसी–भैलो ९ बजेपछि खेल्न रोक, पटाका पड्काउन निषेध

नयाँ विकल्प संवाददाता
प्रकाशित मिती: २०७९ कार्तिक ५, ०९: ००

काठमाडौं । उपत्यकामा तिहारको बेला राति ९ बजेपछि देउसी–भैलो खेल्न नदिने प्रशासनले निर्णय गरेको छ । काठमाडौं, भक्तपुर र ललितपुरका प्रमुख जिल्ला अधिकारीहरूको बैठकले सो निर्णय गरेको हो ।

राति ९ बजेपछि देउसी–भैलो खेल्न नदिने निर्णय गरिएको काठमाडौंका प्रमुख जिल्ला अधिकारी घनश्याम उपाध्यायले बताए। बैठकले मर्यादित एवं सभ्य तरिकाले राति नौ बजेसम्म मात्र भैलो खेल्न अनुरोध गरेको छ ।

त्यस्तै, पटाका लगायतका प्रज्वलनशील वस्तु पड्काउन निषेध गरिएको छ । आतिसबाजी गर्न र पटाका नपड्काउन सबैमा जानकारी गराउने र सूचना अवज्ञा गरेमा कडा कारबाही गरिने निर्णय गरिएको प्रमुख जिल्ला अधिकारी उपाध्यायले बताए ।

आतिसबाजी नगर्न र पटाका नपड्काउन आज शनिबारदेखि माइकिङ सुरू गरिने प्रहरीले जनाएको छ । स्थानीय प्रशासनले दियो र मैनबत्ती बाल्दा सचेतना अपनाउन आग्रह गरेको छ ।

गत वर्ष ललितपुरमा म्ह पुजामा बालेको दीयोबाट आगो सल्किएर ग्यास सिलिन्डर विष्फोट भएको र सो दुर्घटनामा परेर एकै परिवारका ४ जनाले ज्यान गुमाएका थिए । विद्युतीय माध्यमबाट पनि आगजनी हुन सक्ने हुनाले सचेत रहन प्रशासनले आग्रह गरेको छ ।

सम्बन्धित समाचार

प्रतिनिधिसभामा नियमापत्ति दुरुपयोग नगर्न सभामुख अर्यालको चेतावनी

२०७९ कार्तिक ५, ०९: ००

काठमाडौं : प्रतिनिधिसभाका सभामुख डोलप्रसाद अर्यालले सदनमा हुने नियमापत्तिलाई औचित्यपूर्ण र नियमसम्मत बनाउन सांसदहरूलाई निर्देशन दिएका छन् । बिहीबारको बैठकमा...