- अनामनगर काठमाडौँ
- infobikalpa21@gmail.com
काठमाडौं । आइतबार हुने प्रतिनिधिसधा र प्रदेश सभा निर्वाचनमा एक करोड ७९ लाख ८८ हजार ५७० मतदाताले मतदान गर्ने भएका छन् । त्यसका लागि निर्वाचन आयोगले मुलुकभरका ७ प्रदेश, ७७ जिला, १६५ प्रतिनिधिसभा निर्वाचन क्षेत्र र प्रदेश सभा निर्वाचन क्षेत्र ३३० वटामै एकै साथ मतदान हुन लागेको हो ।
निर्वाचन आयोगका अनुसार यो निर्वाचनमा पुरुष मतदाता ९१ लाख ४० हजार ८०६ जना, महिला मतदाता ८८ लाख ४७ हजार ५७९ जना र अन्य १८५ मतदाता रहेका छन् ति मध्ये चार लाख ५० हजार अस्थायी मतदाता रहेका छन् । निर्वाचनमा प्रतिनिधिसभाका लागि प्रत्यक्षबाट एक सय १५ जना र समानुपातिकबाट एक सय १० जना चुनिने छन् भने प्रदेश सभा सदस्य प्रत्यक्षबाट तीन सय ३० जना र समाुनपातिकबाट २२० जनाको लागि मतदाताले मतदान गर्दै छन् ।
यसरी प्रतिनिधि सभातर्फ कूल २७५ जना र प्रदेश सभातर्फ कूल ५५० जना चयन हुँदैछन् ।
आइतबार हुने निर्वाचनमा १० हजार ८९२ मतदान स्थल, २२ हजार २२७ मतदान केन्द्र र १४१ अस्थायी मतदान स्थल रहेका छन् । एक करोड ७८ लाख ८८ हजार मतदाताको लागि आठ करोड पाँच लाख ६७ हजार ५०० प्रति मतपत्र छपाएर मतदान केन्द्र पठाइएको छ । एउटा मतदाताले चार वटा मत पत्रमा स्वस्तिक छाप लगाउनु पर्छ।
निर्वाचन आयोगका अनुसार प्रतिनिधि सभातर्फ दुई हजार ४१२ जना प्रत्यक्षबाट उम्मेदवार बनेका छन् । प्रतिनिधिसभा सदस्य पदमा उम्मेदवार बनेका मध्ये पुरुष दुई हजार १८७ छन् भने महिला उम्मेदवारको सख्या २२५ मात्र रहेको छ ।
प्रतिनिधिसभातर्फ उम्मेदवार भएका मध्ये एक हजार ५४५ जना राजनीतिक दलबाट उम्मेदवार भएका हुन भने ८६७ जना स्वतन्त्रबाट उम्मेदवार बनेका छन् । प्रतिनिधिसभाको समानुपातिकतर्फ एक हजार १२ पुरुष उम्मेदवार छन् भने महिला एक हजार १८७ उम्मेदवार बनाएका छन् ।
प्रदेश सभामा भने प्रत्यक्षतर्फ तीन हजार २२४ जनाले उम्मेदवारी दिएका छन् । तिमध्ये पुरुषको सख्या दुई हजार ९४३ र महिलाको सख्या २८० छ । दलहरुबाट प्रत्यक्षमा उम्मेदवार बन्नेको सख्या दुई हजार १३० छ भने स्वतन्त्राट प्रदेशमा प्रत्यक्ष उम्मेदवार बन्नेको सख्या एक हजार ९४ रहेको छ ।
राजनीतिक दलहरुले प्रदेशसभामा तीन हजार ७०८ जनालाई उम्मेदवार बनाएकोमा पुरुष उम्मेदवार दुई हजार १९७६ छन् भने महिला उम्मेदवार एक हजार ५११ रहेको छ ।
प्रत्यक्षमा कुन समुदायबाट कति उम्मेदवार
प्रतिनिधि सभा र प्रदेश सभाको निर्वाचनमा समानुपातिक उम्मेदवार बनाउँदा आयोगले तोकेको समावेसी सिद्धान्तअनुसार अपनाउनु पर्छ तर प्रत्यक्षतर्फ भने राजनीतिक दल र स्वतन्त्रबाट भने सोही बमोजिमका उम्मेदवार उटठाएको पाइँदैन ।
खस आर्य समुदायबाट ४२.१६ प्रतिशत उम्मेदवार उठेका छन् भने आदिवासी÷जनजाति समुदायबाट२६.५८ प्रतिशत र मधेशी समुदायबाट २०.९८ प्रतिशत उम्मेदवार यो निर्वाचनमा उठेका छन् । यस्तै दलित समुदायबाट ४.०२ प्रतिशत, मुश्लिम समुदायबाट ३.४० प्रतिशत र थारु समुदायबाट २.८६ प्रतिशत उम्मेदवार प्रत्यक्षबाट उम्मेदवार बनेका छन्
काठमाडौँ : सरकारले सुकुम्वासी तथा भूमिहीन नागरिकलाई लालपुर्जा वितरण गर्ने प्रक्रिया अघि बढाएको जनाएको छ । भूमि व्यवस्था, सहकारी, संघीय...
काठमाडौँ । सूचना तथा सञ्चारमन्त्री डा. विक्रम तिमिल्सिनाले देशभर दूरसञ्चार सेवा विस्तार तथा गुणस्तर सुधारका लागि करिब १६ सय नयाँ...
काठमाडौँ । काठमाडौं विश्वविद्यालय (केयू) को रिक्त उपकुलपति पदका लागि आवेदन आह्वान गरिएको छ। उपकुलपति नियुक्तिका लागि नाम सिफारिस गर्न...
