दाङ । नेपाली कांग्रेस र फोरम लोकतान्त्रिकबीच पार्टी एकता भएको दुई वर्ष पूरा भएपनि फोरम लोकतान्त्रिकका कार्यकर्ताहरूले कांग्रेसभित्र कुनै भूमिका नपाएपछि विद्रोहको चेतावनी दिएका छन् । नेपाल लोकतान्त्रिक फोरमका तत्कालीन अध्यक्ष विजयकुमार गच्छदारले वाहेक कांग्रेसमा कसैलाई पनि कुनै पनि भूमिका दिइएको छैन ।
फोरम लोकतान्त्रिकका केन्द्रीय सदस्य तथा अन्य जिम्मेवारीमा रहेकाहरूले शुक्रबार प्रेस विज्ञप्ति जारी गरेर भूमिकाको खोजी गरेका छन् । २ वर्षसम्म भूमिका विहीन हुँदा दिशा विहीन गन्तव्यको यात्रा गरे जस्तै भएको भन्दै पूर्वसांसद योगेन्द्र चौधरीलाई नेपाली कांग्रेसको गतिविधिमा सहभागी नहुन समेत आग्रह गरिएको छ ।
पार्टी एकताले पूर्णता पाएपछि मात्रै नेपाली कांग्रेसको गतिविधिमा सहभागी हुन आग्रह गर्दै तत्कालीन फोरम लोकतान्त्रिकका केन्द्रीय सदस्य विन्तिराम यादव, धनिराम चौधरी, महिला लोकतान्त्रिक संघका केन्द्रीय उपाध्यक्ष शारदा चौधरी, शनिराम चौधरी, दिलबहादुर चौधरी, धर्मवीर चौधरी, खेमलाल चौधरी, रामवरण यादव, गोरखनाथ कसौधन, द्रोणबहादुर बस्नेत, रामवरण वैश्य, जगतनारायण चौधरी, हीरालाल चौधरीले विज्ञप्ती जारी गरेका हुन् ।
उनीहरूले तत्कालीन फोरम लोकतान्त्रिकका कार्यकर्ता पूरै निरास भएकोले विकल्प खोज्न पूर्वसांसद योगेन्द्र चौधरीलाई दवाव दिएका हुन् । नेपाली कांग्रेसका केही नेताहरूको व्यक्तिगत स्वार्थ र खिचातानीले गर्दा लोकतान्त्रिक फोरमलाई समायोजन गर्न अवरोध गरिएको छ । नेपाली कांग्रेसका उपसभापति विमलेन्द्र निधिको संयोजकत्वमा समायोजन सुझाव समिति गठन गरिएको थियो । निधि नेतृत्वको समायोजन समितिले प्रतिवेदन पार्टी केन्द्रीय कार्यसमिति बैठक समक्ष पेश गरे पनि त्यस बिषयमा कुनै छलफल भएको छैन ।
काठमाडौँ । कार्तिक शुक्ल एकादशीका अवसरमा आज तुलसीको पूजा आराधना गरी हरिबोधिनी एकादशी पर्व मनाइँदैछ । यस दिन तुलसी र...
काठमाडौं । नेकपा एमालेकी वरिष्ठ नेता तथा पूर्वराष्ट्रपति विद्यादेवी भण्डारीले गत फागुन २१ गते सम्पन्न निर्वाचनमा पार्टीले व्यहोरेको पराजय अस्थायी...
काठमाडौं । निर्वाचन आयोगले जनता समाजवादी पार्टी (जसपा) नेपालबाट स्थानीय तह निर्वाचन २०७९ मा निर्वाचित १८ जना जनप्रतिनिधिको पद स्वतः...