
काठमाडौं – राहदानी विभागले राहदानी वितरणमा देखिएको प्राविधिक समस्या समाधान भएको दाबी गरेको छ । विभागले आइतबार एक सूचना जारी गर्दै विद्युतीय राहदानी जारी गर्ने कार्य अन्तर्गत प्रमाणीकरण प्रक्रियामा देखिएको प्राविधिक समस्या हल भएको जनाएको हो ।
विद्युतीय राहदानीसम्बन्धी सेवाग्राहीको तथ्यांक प्रविष्टपछि प्रमाणीकरण गर्ने क्रममा प्राविधिक समस्या देखिएपछि सेवा प्रभावित बनेको थियो । सेवा चुस्त दुरुस्त राख्न प्रधानमन्त्री पुष्पकमल दाहाल ‘प्रचण्ड’को निर्देशनमा प्रधानमन्त्री तथा मन्त्रिपरिषदको कार्यालयको प्राविधिक टोलीले विभागको निरीक्षण तथा प्राविधिक समस्याको विश्लेषणका लागि सूचना प्रविधि शाखाका प्राविधिकलाई परिचालन गरेको थियो ।
समस्याको पहिचान गर्न प्राविधिक व्यवस्थापनको जिम्मा लिएको आइडीमीया कम्पनीले समेत तीन जना प्राविधिक नेपाल पठाएको थियो । प्राविधिकले प्रमाणीकरण प्रक्रियामा देखिएको समस्या हल गरेपछि सेवा पुन संचालन भएको हो ।
विभागले राहदानीको आवेदन दिएका आवेदकलाई मोबाइलमा म्यासेज पठाएपछि अथवा नेपाल इ पासपोर्ट एपमा राहदानी तयार भएको जानकारी प्राप्त भएपछि मात्र राहदानी लिन विभाग आउन पनि आग्रह गरेको छ ।
१.प्रमुख चाडबाडको मौसम गयो नेपालीहरुको सबैभन्दा ठुलो मानिएको चाड दसैँ हो । त्यो पनि गयो ।अर्को चाड तिहार हो...
काठमाडौं । राष्ट्रपति रामचन्द्र पौडेलसमक्ष तीन देशका लागि नवनियुक्त नेपाली राजदूतहरूले पद तथा गोपनीयताको शपथ लिएका छन्। राष्ट्रपति भवन शीतल...
काठमाडौँ । उदाउँदो सूर्यलाई अर्घ अर्पण गर्दै चार दिनसम्म श्रद्धा र भक्तिपूर्वक मनाइने छठ पर्व आज सम्पन्न हुँदैछ । पर्वको...