
पोखरा । गण्डकी प्रदेश सभाको सभामुखमा नेकपा माओवादी केन्द्रका प्रदेश सभा सदस्य कृष्णप्रसाद धिताल निर्वाचित हुने निश्चित भएको छ ।
माओबादी केन्द्र प्रदेश सभा संसदीय दलको नेताको आकांक्षी रहेका धिताललाई माओबादीले सभामुखमा सर्बसम्मत उम्मेदवार बनाएको हो । धिताललाई गण्डकी प्रदेशमा रहेका सत्तारुढ गठबन्धन दलको समर्थन रहेको छ ।
गण्डकी प्रदेशको माओबादी संसदीय दलको नेतामा तनहुँका हरि चुमान निर्वाचित भएपछि धिताललाई सभामुख बनाइएको हो । गण्डकी प्रदेशको मुख्यमन्त्रीमा सत्तारुढ गठबन्धनले एमालेका खगराज अधिकारीलाई प्रस्ताव गरेको थियो ।
माओवादीबाट दलका नेता चुमानले सरकारमा प्रतिनिधित्व गरेका छन् । सभामुखको निर्वाचन भने माघ २ भित्र सक्नुपर्छ । संविधान अनुसार पहिलो बैठक बसेको १५ दिनभित्र सभामुख निर्वाचित भैसक्नुपर्ने व्यवस्था छ ।
१८ पुसमा बसेको पहिलो बैठक हिसाव गर्दा माघ २ गते भित्र सभामुखको निर्वाचन हुने छ । माओबादी प्रदेश सभा सदस्य धिताल गोरखाको क्षेत्र नम्वर १ को ‘क’ बाट निर्वाचित भएका हुन् ।
वीरगञ्ज । नेपाली कांग्रेसका सभापति गगनकुमार थापाले मुलुक समावेशिता र संघीयताको अभ्यासमा गएपछि प्रजातन्त्र थप बलियो बनेको बताएका छन् ।...
१.प्रमुख चाडबाडको मौसम गयो नेपालीहरुको सबैभन्दा ठुलो मानिएको चाड दसैँ हो । त्यो पनि गयो ।अर्को चाड तिहार हो...
काठमाडौं । राष्ट्रपति रामचन्द्र पौडेलसमक्ष तीन देशका लागि नवनियुक्त नेपाली राजदूतहरूले पद तथा गोपनीयताको शपथ लिएका छन्। राष्ट्रपति भवन शीतल...