
दाङ । सत्तारुढ दलको गठबन्धनबाट लुम्बिनी प्रदेशको सभामुखमा माओबादी केन्द्रका प्रदेश सभा सदस्य तुलाराम घर्ती र उपसभामुखमा राष्ट्रिय प्रजातन्त्र पार्टीकी मेनुका खाँड केसीले उम्मेदवारी दिने भएका छन् ।
सत्तारुढ दलबाट मुख्यमन्त्री एमालेले पाएपछि सभामुख माओवादीलाई र उपसभामुख राप्रपालाई दिने सहमति भएको थियो । सभामुख र उपसभामुख चयनका लागि सोमबार आज दिउसो उम्मेदवारी दर्ता र भोलि मंगलबार निर्वाचन गर्ने कार्यतालिका रहेको छ ।
माघ ३ गते हुने सभामुख निर्वाचनका लागि माओवादी केन्द्रबाट पाल्पा २ ‘ख’ बाट प्रत्यक्ष निर्वाचित तुलाराम घर्तीलाई पठाउने निर्णय गरेको माओवादीका प्रदेश अध्यक्ष सुदर्शन बरालले बताए ।
उपसभामुखका लागि राप्रपाले गुल्मीबाट समानुपातिक सांसद बनेकी मेनुका खाँण केसीलाई उम्मेदार बनाउने निर्णय भएको राप्रपा प्रदेश अध्यक्ष प्रदीप उदयले जानकारी दिए । ८७ सदस्यीय प्रदेश सभामा सत्तारुढ गठबन्धनको समर्थनमा ५८ सांसदहरुको समर्थन रहेको छ ।
लुम्विनी प्रदेशमा एमालेका २९, माओवादीका १०, राप्रपा र नागरिक उन्मुक्तिका चार(चार, जसपा, जनमत र लोसपाका तीन–तीनजना तथा दुई स्वतन्त्र सांसदहरूले सरकारलाई समर्थन गरेका छन् ।
प्रदेश सभामा २७ सांसद रहेको नेपाली कांग्रेस, एक सांसद रहेको नेकपा एस र जनमोर्चा गरी २९ जना मात्रै विपक्षमा छन् । सत्ता पक्षसँग स्पष्ट बहुमत भएकाले घर्ती र खाँणले जित्ने पक्कापक्की जस्तै छ । नेपाली कांग्रेससँग बहुमत नभएकाले उम्मेदारको टुंगो लगाउन सकेको छैन ।

वीरगञ्ज । नेपाली कांग्रेसका सभापति गगनकुमार थापाले मुलुक समावेशिता र संघीयताको अभ्यासमा गएपछि प्रजातन्त्र थप बलियो बनेको बताएका छन् ।...
१.प्रमुख चाडबाडको मौसम गयो नेपालीहरुको सबैभन्दा ठुलो मानिएको चाड दसैँ हो । त्यो पनि गयो ।अर्को चाड तिहार हो...
काठमाडौं । राष्ट्रपति रामचन्द्र पौडेलसमक्ष तीन देशका लागि नवनियुक्त नेपाली राजदूतहरूले पद तथा गोपनीयताको शपथ लिएका छन्। राष्ट्रपति भवन शीतल...