प्रधानमन्त्री भन्छन् ‘गणतन्त्र र संघीयताबिरूद्ध अभिव्यक्ति दिने मन्त्रीलाई स्पष्टिकरण सोध्छु’ – Naya Bikalpa
February 21, 2024, Wednesday
उपप्रधानमन्त्री लिङ्देनलाई सोध्लान त प्रधानमन्त्रीले स्पष्टिकरण ?

प्रधानमन्त्री भन्छन् ‘गणतन्त्र र संघीयताबिरूद्ध अभिव्यक्ति दिने मन्त्रीलाई स्पष्टिकरण सोध्छु’

काठमाडौं – प्रधानमन्त्री पुष्पकमल दाहाल प्रचण्डले मन्त्रिपरिषद्का कुनै पनि सदस्यले गणतन्त्र र संघीयताविरुद्ध अभिव्यक्ति दिन नपाइने बताएका छन् ।

राष्ट्रिय सभाको मंगलबारको बैठकमा प्रधानमन्त्री दाहालले मन्त्रिपरिषद्मा रहेर संघीय लोकतान्त्रिक गणतन्त्रविरुद्ध अभिव्यक्ति दिन नैतिकताको आधारमा पनि नपाइने बताएका हुन् ।

उनले भने ‘मेरो क्याबिनेटको एकजना मन्त्रीले संघीयता खारेज गर्नुपर्छ भन्नुभयो भनेर यहाँ केही माननीय सदस्यले,सुनाउनु भयो, मेरो ध्यानाकर्षण भएको छ । मन्त्रिमण्डल बाहिर गएर आफ्नो कुरा राख्ने अधिकार सबै राजनीतिक दललाई हुन्छ । तर, मन्त्रिमण्डलभित्र बसेर संघीयता र लोकतान्त्रिक गणतन्त्रविरुद्ध बोल्ने वा प्रचार गर्ने अधिकार र कानुनी रुपले पनि हुन सक्दैन ।’

उनले संघीयता खारेजीसम्बन्धी अभिव्यक्ति दिने मन्त्रीलाई स्पष्टीकरण सोधिने सदनलाई जानकारी दिए । सोमबार राजधानीमा आयोजित कार्यक्रममा उपप्रधानमन्त्री तथा उर्जा जलश्रोत तथा सिँचाई मन्त्री राजेन्द्र लिङ्देनले आफूहरु सरकारमा गएर पनि राजसंस्था र हिन्दु राज्यको पक्षमा दबाब श्रृजना गरिरहने बताएका थिए ।

राष्ट्रिय प्रजान्त्रन्त्र पार्टीका अध्यक्ष समेत रहेका उपप्रधानमन्त्री लिङ्देनलाई प्रधानमन्त्री दाहालले स्पष्टिकरण सोध्ने जानकारी दिएका हुन् ।

सम्बन्धित समाचार

ओरालो झर्दै शेयर बजार, खुम्चियो कारोबार
ओरालो झर्दै शेयर बजार, खुम्चियो कारोबार
  • २०७९ माघ १०, १६: ०५

काठमाडौं । शेयर बजार निरन्तर ओरालो झरेसँगै कारोबार रकम समेत खुम्चिदै गएको छ । नेपाल स्टक एक्सचेञ्ज लिमिटेड (नेप्से) का...

नामिबियासँग नेपाल लगातार दोस्रो खेलमा पनि पराजित
नामिबियासँग नेपाल लगातार दोस्रो खेलमा पनि पराजित
  • २०७९ माघ १०, १६: ०५

काठमाडौं । नेपालले नामिबियासँग लगातार दोस्रो खेलमा हार बेहोरेको छ ।आइसीसी क्रिकेट विश्वकप लिग-२ अन्तर्गत टियु मैदानमा बुधबार सम्पन्न खेलमा...

कांग्रेसलाई डिजिटल पार्टी बनाउन प्रदीप पौडेलको २८ बुँदे प्रस्ताव
कांग्रेसलाई डिजिटल पार्टी बनाउन प्रदीप पौडेलको २८ बुँदे प्रस्ताव
  • २०७९ माघ १०, १६: ०५

काठमाडौं।नेपाली कांग्रेसका केन्द्रीय सदस्य प्रदीप पौडेलले पार्टीलाई पूणर्रुपमा ‘मास बेस्ड’ डिजिटल पार्टी बनाउन संकल्प गर्नुपर्ने बताएका छन्। पार्टीभित्र प्रत्यक्ष निर्वाचन...