आयोजना कार्यान्वयन निर्देशनालयले बनाएका १० पानीपोखरीहरु बोर्डलाई हस्तान्तरण – Naya Bikalpa
November 18, 2026, Wednesday      Epaper

आयोजना कार्यान्वयन निर्देशनालयले बनाएका १० पानीपोखरीहरु बोर्डलाई हस्तान्तरण


काठमाडौं । राष्ट्रिय गौरवको आयोजनाको रुपमा चिनिएको मेलम्ची खानेपानी आयोजनाले काठमाडौंको सुन्दरीजलसम्म ल्याएको पानीलाई प्रशोधन गरी उपत्यकाका १० ठाउँमा भण्डारण गर्न निर्माण भएका १० वटा पानीपोखरीको सफल परिक्षणसँगै हस्तान्तरण भएको छ ।

केयुकेएल आयोजना कार्यान्वयन निर्देशनालयले प्रतिदिन २२ करोड लिटर पानी भण्डार क्षमता भएका ति १० वटा पानी पोखरीहरु काठमाडौं उपत्यका खानेपानी व्यवस्थापन बोर्डलाई हस्तान्तरण गरेको छ । ति पानी पोखरीहरुको संचालनका लागि काठमाडौं उपत्यका खानेपानी लिमिटेड (केयुकेएल) लाई हस्तान्तरण गरिएको निर्देशनालयका निर्देशक राजेन्द्र सापकोटाले बताए ।

निर्देशनालयमा सोमबार पत्रकार सम्मेलन गरी निर्देशक सापकोटाले कूल ७४ हजार पाँच सय घन मिटर क्षमताका ति पानी पोखरीहरुसम्म सुन्दरीजलबाट मेलम्चीको समेत पानी ल्याइएको बताए ।

निर्देशनालयले हालसम्म खानेपानी वितरणको लागि एक हजार १० किलोमिटर पाईपलाईन विछ्याउने काम सम्पन्न गरेको, करिव ५ सय ५० किलोमिटर पाईपलाइइनको परिक्षण (एसआरटी) कार्य सम्पन्न भएको, दुईसय ७० किलोमिटर नयाँ पाईपलाईन मर्मत गरिएको पत्रकार सम्मेलनमा जानकारी दिइयो ।

दोश्रो चरणमा आठ सय किलोमिटर नयाँ पाईपलाईन बिछ्याउने कार्य नेपाल सरकारले आफ्नै श्रोतबाट चक्रपथ भित्रको स्वयम्भु, बालुवाटार, महाराजगञ्ज, धुम्बाराही आदि स्थान र चक्रपथवाहिर मण्डिखाटार, कपन, चावहिल, बौद्धमा भइरहेको पत्रकार सम्मेलनमा जनाइयो ।

निर्देशनालयले एसियाली विकास बैंकको प्रस्तावित ऋण सहयोगमा दोश्रो काठमाडौं उपत्यका खानेपानी सुधार आयोजना संचालन गर्न सहमति भएको र त्यसका लागि भक्तपुर, मध्यपुर, किर्तीपुर, पेप्सीकोला, गोकर्ण र बौद्ध लगायतको क्षेत्रमा सात सय ७० किलोमिटर पाईपलाईन बिछ्याउन खरिव सम्वन्धि बोलपत्र गर्न लागिएको निर्देशक सापकोटाले बताए ।

आयोजनाले सडकमा ढल निर्माण, सडक निर्माण, विद्युतलाईन र टेलिफोन वितरण प्रणाली भूमिगत गर्ने क्रममा खानेपानीको नयाँ पाईपमा क्षति पुगेको आयोजनाले जनाएको छ । क्षति भएका पाईपलाईनको मर्मत र सम्भार भने गर्न वाँकी रुहेको छ ।

सो अवसरमा खानेपानी वितरणको लागि पाईप बिछ्याउने क्रममा खनिएका सडकको मर्मत सुधारको ठेक्का पाएको भारतको हैदरबादस्थित सीआईपीइएलले काम नगरेपछि ठेक्का रद्ध गरी कम्पनीको पर्फमेन्स सेक्युरिटि वापतको ११ करोड ६२ लाख र ठेक्का संचालनको लागि लिएको पेश्की १० करोड रुपैयाँ फिर्ता लिएको जनाइयो ।

सम्बन्धित समाचार

स्वयंसेवक परिचालनका लागि ४५ देखि ७५ वर्ष उमेर समूहका नागरिकसँग आवेदन माग
स्वयंसेवक परिचालनका लागि ४५ देखि ७५ वर्ष उमेर समूहका नागरिकसँग आवेदन माग
  • २०७९ माघ २३, १८: ०६

काठमाडौं । काठमाडौं महानगरपालिकाले विभिन्न क्षेत्रमा स्वयंसेवकका रूपमा सेवा गर्न इच्छुक ४५ देखि ७५ वर्ष उमेर समूहका नागरिकसँग आवेदन माग...

मानव बेचबिखनसम्बन्धी विधेयकमाथि विज्ञसँग छलफल हुँदै
मानव बेचबिखनसम्बन्धी विधेयकमाथि विज्ञसँग छलफल हुँदै
  • २०७९ माघ २३, १८: ०६

काठमाडौं । प्रतिनिधिसभाअन्तर्गतको महिला तथा सामाजिक मामिला समितिले मानव बेचबिखन तथा ओसारपसार नियन्त्रणसम्बन्धी विधेयकमाथि विज्ञ तथा सरोकारवालासँग छलफल गर्ने भएको...

सबैको मिशन आगामी स्थानीय निर्वाचन
सबैको मिशन आगामी स्थानीय निर्वाचन
  • २०७९ माघ २३, १८: ०६

काठमाडौं । छठको निहुँ बनाएर रास्वपा सभापति रवि लामिछाने र नेपाली कांग्रेसका सभापति गगन थापा मधेश प्रदेश ओर्लिएका छन् ।...