
काठमाडौं। भारतीय प्रधानमन्त्री नरेन्द्र मोदीले विहीबार बिहान साढे ८ बजे कालापानी क्षेत्रको कुटीस्थित जोलिङ्काङमा पूजापाठ गरेका छन्।
हेलिकोप्टरबाट जोलिङ्काङ उत्रिएका मोदीले त्यहाँ पूजापाठ गरेर कैलाश पर्वतको दर्शन गरेका छन् । कैलाश दर्शनपछि उनले गुञ्जीमा स्थानीयसँग छलफल गरेका थिए।
कुटी, नावी, गुञ्जी गाउँ र रोङकाङ, नपलच्यू, गर्ब्याङ गाउँका स्थानीयबासीसँग मोदीले सामान्य छलफल गरेका थिए। कुटी, नावी र गुञ्जी गाउँ नेपालको सीमा भित्रै पर्दछ । तर भारतले सो ठाउँ आफ्नो देशको भएको दाबी गरिरहेको छ।
मोदीले कालापानी क्षेत्रमा तैनाथ भारतीय सेना, इन्डो–तिब्बत बोर्डर पुलिस, सशस्त्र सीमा बल र सुरक्षा अधिकारीसँग पनि भेटघाट तथा छलफल गरेका थिए।
मोदी अल्मोडा जिल्लामा पर्ने जागेश्वर धामको दर्शन र पूजापाठ गर्न समेत गएको भारतीय सञ्चारमाध्यमले जनाएका छन्।
प्रधानमन्त्री मोदीसँग उत्तराखण्ड राज्यका मुख्यमन्त्री पुष्करसिंह धामी पनि कालापानी क्षेत्र पुगेका छन्।
यता अतिक्रमित सीमा क्षेत्रमा भारतीय प्रधानमन्त्रीको भ्रमणबारे नेपाललाई कुनै औपचारिक जानकारी नभएको जिल्ला प्रशासन दार्चुलाले जनाएको छ। मोदीको भ्रमण हुने ठाउँहरुमा नेपालीलाई प्रवेशमा रोक लगाइएको छ।
ठमाडौँ, ३ मङ्सिर — काठमाडौँ उपत्यकाका विभिन्न स्थानबाट अवैध लागूऔषध खैरो हेरोइन र नगदसहित प्रहरीले चार जनालाई पक्राउ गरेको छ।...
हेटौँडा । मकवानपुरको भीमफेदी गाउँपालिका–भैंसेमा सुमो दुर्घटना हुँदा दुई जनाको मृत्यु भएको छ भने सात जना घाइते भएका छन्। बिहीबार...
काठमाडौं । निर्वाचन आयोगले जनता समाजवादी पार्टी (जसपा) नेपालबाट स्थानीय तह निर्वाचन २०७९ मा निर्वाचित १८ जना जनप्रतिनिधिको पद स्वतः...