
काठमाडौं। आठौं संस्करणको आरबीबी–एनभीए महिला तथा पुरुष भलिबल च्याम्पियनसिपमा महिलातर्फ नेपाल पुलिस क्लबले जित हासिल गरेको छ।
त्रिपुरेश्वरस्थित राष्ट्रिय खेलकुद परिषद् राखेपको कभर्ड हलमा आइतबार भएको खेलमा पुलिसले कर्णाली प्रदेशलाई ३–० को सोझो सेटमा पराजित गरेको हो। पुलिसले कर्णालीलाई पहिलो सेटमा २५–१२, दोस्रोमा २५–७ र तेस्रोमा २५–८ ले पराजित गरेको हो।
च्याम्पियनसिपमा महिलातर्फ ७ टोली रहेका छन्। समूह एमा पुलिस, कर्णाली प्रदेश, त्रिभुवन आर्मी क्लब र एभरेष्ट क्लब रहेका छन्।
समूह बीमा न्यू डायमन्ड, एपीएफ क्लब र मधेस प्रदेश रहेका छन्।
पुरुषतर्फ १२ टोली रहेका छन्। समूह एमा कोशी प्रदेश, नेपाल स्पोर्ट्स क्लब र ढोरपाटन क्लब छन्। समूह बीमा सुदूरपश्चिम प्रदेश, एपीएफ क्लब र जावलाखेल भलिबल ट्रेनिङ सेन्टर रहेका छन्।
समूह सीमा कर्णाली प्रदेश, बुढानिलकण्ठ भलिबल क्लब र नेपाल पुलिस क्लब रहेका छन्। समूह डीमा गण्डकी प्रदेश, मणिमुकुन्द भलिबल क्लब, त्रिभुवन आर्मी क्लब र न्युटन भलिबल क्लब रहेका छन्।
काठमाडौँ । कार्तिक शुक्ल एकादशीका अवसरमा आज तुलसीको पूजा आराधना गरी हरिबोधिनी एकादशी पर्व मनाइँदैछ । यस दिन तुलसी र...
काठमाडौं । हाल नेपालमा कुनै उल्लेखनीय मौसमी प्रणालीको प्रभाव नरहेको मौसम पूर्वानुमान महाशाखाले जनाएको छ । महाशाखाका अनुसार देशको हिमाली...
ठमाडौँ, ३ मङ्सिर — काठमाडौँ उपत्यकाका विभिन्न स्थानबाट अवैध लागूऔषध खैरो हेरोइन र नगदसहित प्रहरीले चार जनालाई पक्राउ गरेको छ।...