मुम्बई बन्यो एसियाकै धेरै अर्बपति बस्ने सहर – Naya Bikalpa
July 24, 2024, Wednesday

मुम्बई बन्यो एसियाकै धेरै अर्बपति बस्ने सहर

काठमाडौं । धेरै अर्बपति बस्ने सहरहरूको सूचीमा भारतको मुम्बईले छलाङ्ग मारेको छ । हुरुन रिसर्च इन्स्टिच्युटले जारी गरेको प्रतिवेदनअनुसार मुम्बई चीनको राजधानी बेइजिङलाई उछिन्दै एसियामा सबैभन्दा धेरै अर्बपति बस्ने सहर बनेको हो ।

यससँगै मुम्बई धेरै अर्बपतिहरू बस्ने विश्वकै तेस्रो सहरसमेत भएको छ । इन्स्टिच्युटको प्रतिवेदनअनुसार मुम्बईमा ९२ जना अर्बपति बस्छन् । गत वर्ष मुम्बईमा २६ जना नयाँ अर्बपति थपिएका छन् ।

यता, बेइजिङबाट भने १८ जना अर्बपति बाहिरिएका छन् । अहिले बेइजिङमा ९१ जना अर्बपति बस्छन् । विश्वको सबैभन्दा धेरै अर्बपति बस्ने सहर भने अमेरिकाको न्यूयोर्क रहेको छ । यहाँ ११९ जना अर्बपतिको बसोवास छ ।

दोस्रोमा बेलायतको राजधानी सहर लण्डन रहेको छ । लण्डनमा ९७ जना अर्बपतिको बसोवास रहेको छ । समग्रमा भारतमा २७१ अर्बपति छन् । सन् २०२३ मा भारतको अर्थतन्त्र ७.५ प्रतिशतले बढ्दा ९४ जना अर्बपति थपिएका छन्।

भारतको सबैभन्दा धनी भने मुकेश अम्बानी हुन् । उनीसँग ११५ अर्ब डलर सम्पत्ति छ भने दोस्रो स्थानमा रहेका अर्बपति गौतम अदानीसँग ८६ अर्ब डलर छ।

यता, सबैभन्दा धेरै अर्बपति हुने मुलुकमा भने चीन नै शीर्षस्थानमा कायम छ। त्यहाँ ८१४ अर्बपति छन् । तर, सन् २०२२ को तुलनामा १५५ जना अर्बपतिको संख्या घटेको छ। ६३ अर्ब डलरसहित चोङ सानसान चीनका सबैभन्दा धनी व्यक्ति बनेका छन्।

सन् २०२३ मा १०९ जना अर्बपति थपिएपछि अमेरिकासँग ८०० अर्बपति पुगेका छन्।

 

सम्बन्धित समाचार

विमानस्थलमा आपतकालिन उद्धार संयन्त्र झुरः भिआईपीले थपे सकस
विमानस्थलमा आपतकालिन उद्धार संयन्त्र झुरः भिआईपीले थपे सकस
  • २०८० चैत्र १३, १५: ५०

काठमाडौं। मुलुकको एक मात्र अन्तराष्ट्रिय विमानस्थल (संचालित) त्रिभुवन अन्तराष्ट्रिय विमानस्थलमा आपतकालिन अवस्थामा गरिने उद्धारको प्रवन्ध कति कमजोर रहेछ भन्ने तथ्य...

सौर्य एयरलाइन्स दुर्घटनामा परि एकै परिवारका तीन जनाको निधन
सौर्य एयरलाइन्स दुर्घटनामा परि एकै परिवारका तीन जनाको निधन
  • २०८० चैत्र १३, १५: ५०

काठमाडौं। त्रिभुवन अन्तराष्ट्रिय विमानस्थल परिषरमा उडान भर्नासाथ दुर्घटना भएको सौर्य एयरलाइन्समा सवार एकै परिवारका तीन जनाको निधन भएको छ। सौर्य...

बागमती प्रदेशमा कांग्रेसका ३ र एमालेका ६ सहित ९ मन्त्रीले लिए सपथ
बागमती प्रदेशमा कांग्रेसका ३ र एमालेका ६ सहित ९ मन्त्रीले लिए सपथ
  • २०८० चैत्र १३, १५: ५०

हेटौंडा। बागमती प्रदेशमा नवनियुक्त मुख्यमन्त्री बहादुरसिंह लामासहित ९ जना मन्त्रीहरुले सपथ लिएका छन्। नेपाली कांग्रेसबाट कुन्दनराज काफ्ले, श्याम खड्का र...