हडिया – देवधार जोड्ने त्रियुगामा पक्किपुल बन्दै – Naya Bikalpa
November 16, 2026, Monday      Epaper

हडिया – देवधार जोड्ने त्रियुगामा पक्किपुल बन्दै

गाईघाट । उदयपुर जिल्लाको चौदण्डीगढी नगरपालिका–१० मा पर्ने हडिया–देवधार जोड्ने त्रियुगा नदीमा पक्की पुल निर्माणको काम धमाधम भइरहेको छ।

संघीय सरकारमातहतको सडक विभागको पुल महाशाखाले डिजाइन एण्ड बिल्ड मोडेलअन्तर्गत मदन भण्डारी राजमार्गको गाईघाट–बेल्टार खण्डमा पर्ने देवधार–हडिया क्षेत्रलाई जोड्ने गरी सो पुलको निमार्ण सुरु गरेको हो।

विभागको पछिल्लो नीतिअनुसार निर्माण व्यवसायीले नै माटो परीक्षण,वातावरणीय प्रभाव मूल्याङ्कनको प्रतिवेदन तयार पार्ने र लागत स्टिमेटका आधारमा बजेट सुनिश्चित भएपछि तोकिएको समयसीमाभित्र पुल निर्माण गरिसक्ने गरी डिजाइन स्वीकृत भएकाले हडिया–देवधार जोड्ने त्रियुगा पुलको निमार्ण सुरु गरिएको जनाइएको छ।

विभागको पुल सेक्टर धरानका इन्जिनियर शर्मिला वेस्राअनुसार सूर्य एण्ड सन्स प्रालि निर्माण कम्पनी धरान सुनसरीले ४० करोड ३४ लाख ८८ हजार आठ सय रुपियाँको लागतमा दुवैतर्फको गरी ६५० मिटर लम्बाइ तथा ११ मिटर चौडाइको उच्च गुणस्तरको दुई लेनको पाएल फाउन्डेसन डिजाइनमा उक्त मोटेरेबल पक्की पुल निर्माण गर्न सुरु गरेको हो।

निर्माण कम्पनीले ४२ महिनाभित्र सम्पूर्ण निर्माण कार्य सम्पन्न गरिसक्ने गरी २०७९ मङ्सिर २१ गते ठेक्का सम्झौता गरेको थियो। पूर्वमन्त्री तथा उदयपुर निर्वाचन क्षेत्र नं.१ वाट निर्वाचित सांसद डा.नारायण खड्काको पहलमा सो पुलको योजना सरकारले अघि वढाएको हो।

सम्झौतापछि स्वायल टेस्ट अर्थात् माटो परीक्षणको काम सम्पन्न गरी पुलको विस्तृत डिजाइन तयार पारेर नेपाल सरकारको पुल महाशाखाले बुझाएको र त्यसपछि आयोजनाबाट डिजाइन पास भएपछि मात्रै निर्माण सम्बन्धी अरु कामले गति लिएको कम्पनीका निर्देशक उमेश श्रेष्ठले बताए।

चौदण्डीगढी नगरपालिका – ५ स्थित सिवाई –बेलाहा जोड्ने पुल २०७८मा उद्घाटन हुनुअघि भत्किएपछि अहिलेसम्म निर्माण पुरा भएको छैन।

भत्किएको पुल निर्माण पुरा नभएको र नयाँ पुल पनि निर्माण सम्पनन नभएकाले शिवाइ र हडियाका स्थानीय वासिन्दाहरु नगरपालिका जान आउन समस्या भोगीरहेका छन्।

उनीहरु सदरमुकाम गाईघाट र नगरपालिकाको कार्यालय आउन जानको लागि समेत सप्तरीको फत्तेपुरबाट घुमेर जानु पर्ने समस्या भोग्दै आएका छन्।

सम्बन्धित समाचार

हाम्रा सडक र वाहन यात्रुका अकालमा ज्यान लिने एम्बुस किन बन्दैछन् ?
हाम्रा सडक र वाहन यात्रुका अकालमा ज्यान लिने एम्बुस किन बन्दैछन् ?
  • २०८० चैत्र २१, १५: ५४

  १.प्रमुख चाडबाडको मौसम गयो नेपालीहरुको सबैभन्दा ठुलो मानिएको चाड दसैँ हो । त्यो पनि गयो ।अर्को चाड तिहार हो...

भारत, चीन र इजरायलका लागि नवनियुक्त राजदूतले लिए पद तथा गोपनीयताको शपथ
भारत, चीन र इजरायलका लागि नवनियुक्त राजदूतले लिए पद तथा गोपनीयताको शपथ
  • २०८० चैत्र २१, १५: ५४

काठमाडौं । राष्ट्रपति रामचन्द्र पौडेलसमक्ष तीन देशका लागि नवनियुक्त नेपाली राजदूतहरूले पद तथा गोपनीयताको शपथ लिएका छन्। राष्ट्रपति भवन शीतल...

उदाउँदो सूर्यलाई अर्घ दिँदै छठ पर्व सम्पन्न
उदाउँदो सूर्यलाई अर्घ दिँदै छठ पर्व सम्पन्न
  • २०८० चैत्र २१, १५: ५४

काठमाडौँ । उदाउँदो सूर्यलाई अर्घ अर्पण गर्दै चार दिनसम्म श्रद्धा र भक्तिपूर्वक मनाइने छठ पर्व आज सम्पन्न हुँदैछ । पर्वको...