ताइवान भूकम्पमा नौ जनाको मृत्यु – Naya Bikalpa
May 24, 2024, Friday

ताइवान भूकम्पमा नौ जनाको मृत्यु

काठमाडौं । ताइवानमा उद्धारकर्मीले देशमा २५ वर्षयताकै सबैभन्दा शक्तिशाली भूकम्प गएको एक दिनपछि फसेका १०० भन्दा बढी व्यक्तिको खोजी गरिरहेका छन् ।

बिहीबार बिहानसम्म अधिकारीहरूले भूकम्पमा परी मृतकको संख्या नौ रहेको बताएका छन् । एक हजार ५० जना घाइते छन् । १०१ जना अझै विभिन्न भवनहरूमा फसेका छन् ।

स्वास्थ्य तथा कल्याण मन्त्रालयलाई उद्धृत गर्दै राष्ट्रिय दमकल एजेन्सीका अनुसार, करिब ४६ जना बेपत्ता वा सम्पर्कविहीन छन् ।

व्यावसायिक सिभिल इन्जिनियर्स एसोसिएसनका लिन चिह–चेङका अनुसार, हुआलियनमा खोजी र उद्धारकार्य जारी छ ।

१०० भवनलाई जोखिमपूर्ण वर्गीकरण गरिएको र धेरै भत्काउनुपर्ने उनले बताएको सीएनएनले जनाएको छ ।

बुधबार बिहान ताइवानको पूर्वी तटमा ७.४ म्याग्निच्युडको भूकम्प गएको थियो ।

स्थानीय समयानुसार बिहान ७ बजेर ५८ मिनेटमा भूकम्प गएको अमेरिकी भौगर्भिक सर्वेक्षणले जनाएको छ ।

अमेरिकी भौगर्भिक सर्वेक्षणका अनुसार, भूकम्पको केन्द्रविन्दु हुआलियन सहरबाट १८ किलोमिटर दक्षिणमा ३४.८ किलोमिटर गहिराइमा थियो।

 

सम्बन्धित समाचार

सभामुख घिमिरेविरुद्ध महाअभियोग ल्याउने काँग्रेसको चेतावनी
सभामुख घिमिरेविरुद्ध महाअभियोग ल्याउने काँग्रेसको चेतावनी
  • २०८० चैत्र २२, १०: ४१

काठमाडौं। प्रमुख विपक्षी नेपाली काँग्रेसले सभामुख देवराज घिमिरेविरुद्ध महाअभियोग लगाउने चेतावनी दिएको छ। पार्टीभित्र र विपक्षी दलहरूको बैठकमा सभामुखलाई महाअभियोग...

सहकारी पीडितले सम्झौता कार्यान्वयन नभएको भन्दै शुरु गरे आन्दोलन
सहकारी पीडितले सम्झौता कार्यान्वयन नभएको भन्दै शुरु गरे आन्दोलन
  • २०८० चैत्र २२, १०: ४१

काठमाडौ। आफूहरुले जग्म्मा गरेको बचत फिर्ताका लागि नेपाल सरकारले गरेका सम्झौताहरू कार्यान्वयन नभएको भन्दै सहकारी पीडितहरूले राजधानीमा आन्दोलन शुरु गरेका...

यो वर्ष सगरमाथा आरोहण गर्नेमध्ये पाँचको मृत्यु
यो वर्ष सगरमाथा आरोहण गर्नेमध्ये पाँचको मृत्यु
  • २०८० चैत्र २२, १०: ४१

काठमाडौं। यस वर्षको सगरमाथा आरोहणका क्रममा अहिलेसम्म पाँच जनाको मृत्यु भएको छ। पर्यटन विभागले बिहीबार साँझ सार्वजनिक गरेको विवरणअनुसार नेपाली...