ताइवान भूकम्पमा नौ जनाको मृत्यु

नयाँ विकल्प विशेष संवाददाता
प्रकाशित मिती: २०८० चैत्र २२, १०: ४१

काठमाडौं । ताइवानमा उद्धारकर्मीले देशमा २५ वर्षयताकै सबैभन्दा शक्तिशाली भूकम्प गएको एक दिनपछि फसेका १०० भन्दा बढी व्यक्तिको खोजी गरिरहेका छन् ।

बिहीबार बिहानसम्म अधिकारीहरूले भूकम्पमा परी मृतकको संख्या नौ रहेको बताएका छन् । एक हजार ५० जना घाइते छन् । १०१ जना अझै विभिन्न भवनहरूमा फसेका छन् ।

स्वास्थ्य तथा कल्याण मन्त्रालयलाई उद्धृत गर्दै राष्ट्रिय दमकल एजेन्सीका अनुसार, करिब ४६ जना बेपत्ता वा सम्पर्कविहीन छन् ।

व्यावसायिक सिभिल इन्जिनियर्स एसोसिएसनका लिन चिह–चेङका अनुसार, हुआलियनमा खोजी र उद्धारकार्य जारी छ ।

१०० भवनलाई जोखिमपूर्ण वर्गीकरण गरिएको र धेरै भत्काउनुपर्ने उनले बताएको सीएनएनले जनाएको छ ।

बुधबार बिहान ताइवानको पूर्वी तटमा ७.४ म्याग्निच्युडको भूकम्प गएको थियो ।

स्थानीय समयानुसार बिहान ७ बजेर ५८ मिनेटमा भूकम्प गएको अमेरिकी भौगर्भिक सर्वेक्षणले जनाएको छ ।

अमेरिकी भौगर्भिक सर्वेक्षणका अनुसार, भूकम्पको केन्द्रविन्दु हुआलियन सहरबाट १८ किलोमिटर दक्षिणमा ३४.८ किलोमिटर गहिराइमा थियो।

सम्बन्धित समाचार

भारतको सहयोगमा खाम्लालुङ स्वास्थ्य चौकी शिलान्यास

२०८० चैत्र २२, १०: ४१

काठमाडौं : नेपाल–भारत विकास सहकार्य’अन्तर्गत भारत सरकारको सहयोगमा तेह्रथुमको आठराई गाउँपालिकामा खाम्लालुङ स्वास्थ्य चौकी भवनको शिलान्यास गरिएको छ। शुक्रबार तेह्रथुम...