
काठमाडौं । काठमाडौं महानगरपालिकाले बुधबारदेखि एक महिनासम्म टुँडिखेलमा ‘सिप मेला– २०८१’ निःशुल्क तालिम आयोजना गरेको छ ।
‘शिक्षालाई सिपसँग’, ‘सिपलाई श्रमसँग’ र ‘श्रमलाई उत्पादनसँग’ जोडेर सिप नहुनेलाई सीपयुक्त बनाउन, सिप भएकालाई रोजगार तथा स्वरोजगार बनाउन, रोजगार तर सिप नभएकाहरूको व्यावसायिक स्तर वृद्धि गर्न मेला सञ्चालन गरिएको हो ।
सिप मेलामा दुई हजार ८१ जनालाई उच्च माग भएका पेसासँग सम्बन्धित निःशुल्क तालिम पनि उपलब्ध गराइने महानगरले जनाएको छ । यसरी तालिम पाएका सबैलाई रोजगार, स्वरोजगार वा ओजेटी (अन द जब ट्रेनिङ) सुनिश्चित गरिएको छ ।
रोजगारदाता (सरकारी, गैरसरकारी, निजी, उद्योग तथा वाणिज्य क्षेत्र, दातृ निकाय), शैक्षिक क्षेत्र (विद्यालय, विश्वविद्यालय र तालिम प्रदायक संघसंस्था), सामाजिक क्षेत्र सबै एकै ठाउँ भेला भएर सञ्चालन हुने तालिम नतिजाका लागि उत्कृष्ट भएको भएको महानगरले जनाएको छ ।
बजारमा सीपयुक्त जनशक्तिको माग र आपूर्तिबीच ठूलो खाडल छ । एकातिर रोजगारदाताले सीपयुक्त जनशक्ति नपाएको र अर्कोतिर युवामा योग्यताअनुसारको रोजगार नपाएको गुनासो छ ।
काठमाडौं । पशु सेवा विभागले काठमाडौं उपत्यकामा ‘पशु वधशाला र मासु जाँच ऐन, २०५५’ को औपचारिक कार्यान्वयन सुरु गरेको छ...
काठमाडौं । नेपालको पहिलो बैंक नेपाल बैंक लिमिटेडले सोमबार आफ्नो ९०औँ वार्षिकोत्सव मनाएको छ । अर्थमन्त्री डा. स्वर्णिम वाग्लेको उपस्थितिमा...
बझाङ । बुङ्गल नगरपालिका–१० टुमेडामा अटो दुर्घटना हुँदा मृत्यु हुनेको संख्या चार पुगेको छ । सोमबार बिहान टुमेडाबाट वडा नं....