सञ्चार सम्बन्धी कानुन निर्माण र पुनरावलोकनको काम भइरहेको छः मन्त्री शर्मा

नयाँ विकल्प विशेष संवाददाता
प्रकाशित मिती: २०८१ बैशाख २१, १४: ०५

काठमाडौं । सूचना तथा सञ्चारमन्त्री रेखा शर्माले संविधानको प्रस्तावनामा लेखिएको पूर्ण स्वतन्त्रताको व्यवहारिक कार्यान्वयनमा सरकार लागेको बताएकी छिन् ।

उनले प्रेस स्वतन्त्रतालाई थप सुरक्षित गर्ने गरी एक वर्षदेखि सञ्चार सम्बन्धी कानुन निर्माण र पुनरावलोकनको काम भइरहेको जानकारी दिइन् ।

शुक्रबार राजधानीमा विश्व प्रेस स्वतन्त्रता दिवस तथा नेपाल पत्रकार महासंघको २७ औँ महाधिवेशन समारोहलाई सम्बोधन गर्दै उनले सञ्चार सम्बद्ध संस्था तथा यस क्षेत्रका विज्ञहरूको प्रत्यक्ष संलग्नता र राय सुझावका आधारमा कानुन मस्यौदा बनाउन काम भइरहेको जिकिर गरिन् ।

‘सरोकारवाला र जनताका सुझाव समेत लिएर कानुन निर्माण गर्ने कामलाई सरकारले प्राथमिकता दिएको छ । मिडिया काउन्सिल विधेयक संसद‍्मा पेस गरिएको छ । आमसञ्चार विधेयक चाँडै मन्त्रिपरिषद्‌मा पेस हुनेछ’, मन्त्री शर्माले जानकारी दिँदै भनिन्, ‘त्यस्तै सामाजिक सञ्जाललाई व्यवस्थित गर्न बनेको विधेयक चाँडै मन्त्रिपरिषद्‌मा लैजाने तयारी गरिएको छ ।’

सम्बन्धित समाचार

बुद्ध जयन्तीकै दिन भत्काइयो गुम्बा

२०८१ बैशाख २१, १४: ०५

काठमाडौं : खोला किनारका अव्यवस्थित बस्ती हटाउने सरकारी अभियानअन्तर्गत शुक्रबार बिहान बल्खु–टेकु आसपासका क्षेत्रमा डोजर चलाइएको छ । सोही क्रममा बल्खुस्थित साङ्गे...