सहकारी पीडितलाई न्याय दिन माग गर्दै महिला संघद्वारा प्रदर्शन – Naya Bikalpa
November 16, 2026, Monday      Epaper

सहकारी पीडितलाई न्याय दिन माग गर्दै महिला संघद्वारा प्रदर्शन

काठमाडौं। नेपाल महिला संघले सहकारीको बचत अपचलनमा गृहमन्त्री रवी लामिछानेको संलग्नता रहेको भन्दै संसदीय छानबिन समिति गठनको माग गर्दै विरोध प्रदर्शन गरेको छ।

नेपाली कांग्रेसले संघीय संसदका दुबै सदनमा गृहमन्त्री लामिछानेमाथि सहकारी ठगीको विषयमा संसदीय छानबिन समिति गठनको माग गर्दै संसदको नियमित कारबाही अबरुद्ध गरिरहेको बेला उसको भ्रातृ संस्थाले भने सडकबाटै छानबिन समिति गठनको माग गरेको हो।

राष्ट्रपति रामचन्द्र पौडेलले संघीय संसदको संयुक्त बैठकलाई संसद भवन नयाँवानेश्वरमा संवोधन गरिरहँदा कांग्रेसले सदन अवरोध नगरे पनि उसका भ्रातृ संस्था नेपाल महिला संघले भने सडकमा जुलुस निकालेर आन्दोलनको संकेत गरेको छ।

नेपाल महिला संघले मंगलबार शान्तिवाटिकामा विरोध प्रदर्शन गरेको छ । जहाँ कांग्रेसका भातृ संस्थाहरू नेपाल विद्यार्थी संघ र नेपाल तरूण दलका कार्यकर्ताहरुले साथ दिएका थिए।

नेपाल महिला संघकी अध्यक्ष उषा राउत मिश्रले सहकारी ठगीमा संलग्न सहकारी संस्था, सदस्य र सम्बन्धित व्यक्तिहरूलाई कानुनको दायरामा ल्याउन तत्काल निष्पक्ष संसदीय छानबिन समिति गठन गर्न माग गरेकी छन्।

महिला संघ अध्यक्ष मिश्रले मंगलबार एक विज्ञप्ति जारी गर्दै सहकारीका समस्यालाई दीगो रुपमा समाधान गर्न, पीडितहरुलाई न्याय दिलाउन र सहकारी ठगी प्रकरणमा संलग्नहरुलाई कानुनको दायरामा ल्याउन संसदीय छानविन समितिको माग गरेकी छन्।

 

सम्बन्धित समाचार

उदाउँदो सूर्यलाई अर्घ दिँदै छठ पर्व सम्पन्न
उदाउँदो सूर्यलाई अर्घ दिँदै छठ पर्व सम्पन्न
  • २०८१ जेष्ठ १, २१: १४

काठमाडौँ । उदाउँदो सूर्यलाई अर्घ अर्पण गर्दै चार दिनसम्म श्रद्धा र भक्तिपूर्वक मनाइने छठ पर्व आज सम्पन्न हुँदैछ । पर्वको...

स्थानीय निर्वाचनबारे छलफल गर्न मंसिर ४ गते दलहरूलाई बोलायो आयोगले
स्थानीय निर्वाचनबारे छलफल गर्न मंसिर ४ गते दलहरूलाई बोलायो आयोगले
  • २०८१ जेष्ठ १, २१: १४

काठमाडौँ । निर्वाचन आयोगले आगामी स्थानीय तहको निर्वाचनबारे राजनीतिक दलहरूसँग परामर्श प्रक्रिया अघि बढाएको छ । आयोगले यस विषयमा छलफल...

दुर्घटनामा परिवारका ६ सदस्य गुमाएका यादवलाई गगन थापाको सान्त्वना
दुर्घटनामा परिवारका ६ सदस्य गुमाएका यादवलाई गगन थापाको सान्त्वना
  • २०८१ जेष्ठ १, २१: १४

सर्लाही । नेपाली कांग्रेसका सभापति गगनकुमार थापा आफ्नो निर्वाचन क्षेत्र सर्लाही–४ अन्तर्गत धनकौलस्थित छठ घाटमा पुगेर छठ पर्वमा सहभागी भएका...