‘नेपाल –भारतबीचको गहिरो सम्वन्धमा सकारात्मक गति कायम राख्न सहमत छौं’

प्रचण्डले बधाई दिएपछि मोदीको प्रतिक्रिया

‘नेपाल –भारतबीचको गहिरो सम्वन्धमा सकारात्मक गति कायम राख्न सहमत छौं’

नयाँ विकल्प
प्रकाशित मिती: २०८१ जेष्ठ २४, १६: २०

काठमाडौं। भारतीय प्रधानमन्त्री नरेन्द्र मोदीले नेपाल–भारतबीचको गहिरो सम्वन्धमा सकारात्मक गति कायम राख्न नेपालका समकक्षीसँग सहमत भएको जनाएका छन्।

भारतमा सम्मपन्न लोकसभा निर्वाचनमा प्रधानमन्त्री मोदीको दल भारतीय जनता पार्टीले नेतृत्व गरेको राष्ट्रिय लोकतान्त्रिक गठबन्धनले बहुमत ल्याएपछि प्रधानमन्त्री पुष्पकमल दाहाल ‘प्रचण्ड’लाई बधाई दिएका दिए।

लोकतान्त्रिक गठबन्धनले बहुमत ल्याएसँगै सरकारको नेतृत्व पुनः मोदीले गर्न लागेको बेला नेपालका प्रधानमन्त्री दाहालको बधाई ग्रहणपछि प्रतिक्रिया दिँदै भारतीय प्रधानमन्त्री मोदीले दाहालको शुभकामनाका लागि धन्यवाद दिएका छन्।

सामाजिक सञ्जाल एक्समार्फत प्रतिक्रिया दिँदै भारतीय प्रधानमन्त्री मोदीले प्रधानमन्त्री दाहालसँग कुरा गर्न पाउँदा अत्यन्तै खुशी लागेको भन्दै न्यानो शुभकामनाको लागि धन्यवाद व्यक्त गरेको जनाएका छन्।

मोदीले भारत र नेपालबीचको गहिरो र बहुआयामिक साझेदारीलाई सुदृढ गर्ने हाम्रो साझा प्रतिबद्धतामाथि जोड दिँदै हाम्रो सम्बन्धमा सकारात्मक गति कायम राख्ने कुरामा सहमत भयौं’ भनेका छन् ।

सम्बन्धित समाचार

भारतको सहयोगमा खाम्लालुङ स्वास्थ्य चौकी शिलान्यास

२०८१ जेष्ठ २४, १६: २०

काठमाडौं : नेपाल–भारत विकास सहकार्य’अन्तर्गत भारत सरकारको सहयोगमा तेह्रथुमको आठराई गाउँपालिकामा खाम्लालुङ स्वास्थ्य चौकी भवनको शिलान्यास गरिएको छ। शुक्रबार तेह्रथुम...