११ देशका राजदूतलाई फिर्ता बोलायो सरकारले – Naya Bikalpa
July 24, 2024, Wednesday
कुटनीतिक सफलता देखाएका र जिम्मेवारी सम्हाल्न नपाएकालाई समेत फिर्ता

११ देशका राजदूतलाई फिर्ता बोलायो सरकारले

 

काठमाडौं। माओबादी अध्यक्ष पुष्पकमल दाहाल ‘प्रचण्ड’ नेतृत्वको सरकारले राजनीतिक पूर्वाग्रहको आधारमा विदेशमा रहेका ११ देशका राजदूतलाई फिर्ता वोलाउने निर्णय गरेको छ।

सरकारले भारत, अमेरिका, बेलायत, कतारसहित ११ देशका राजदूतहरूलाई फिर्ता बोलाएको हो। मन्त्रिपरिषद्को सिंहदरबारमा विहीबार बसेको बैठकले तत्कालीन नेपाली कांग्रेससहितको गठबन्धन सरकारको पालामा नियुक्त राजदूतहरूलाई फिर्ता बोलाउने निर्णय गरेको हो।

सञ्चार तथा सूचना प्रविधिमन्त्री रेखा शर्माकाअनुसार भारत, बेलायत, संयुक्त राज्य अमेरिका, दक्षिण कोरिया, कतार, साउदी अरब, मलेसिया, स्पेन, पोर्चुगल, डेनमार्क र इजरायलका लागि राजदूतहरूलाई फिर्ता बोलाउने निर्णय भएको हो।

सरकारले फिर्ता वोलाएका नेपाली राजदूतहरुमा भारतका लागि शङ्कर शर्मा, संयुक्त राज्य अमेरिकाका लागि श्रीधर खत्री, वेलायतका लागि ज्ञानचन्द्र आचार्य, इजरायलका लागि कान्ता रिजाल, कतारका लागि डा.नरेशविक्रम ढकाल, साउदी अरवका लागि नवराज सुवेदी रहेका छन्।
त्यस्तै, मलेसियाका लागि डिल्लीराज पौडेल, डेनमार्कका लागि डा.रामस्वार्थ राय, स्पेनका लागि डा.शर्मिला पराजुली, पोर्चुगलका लागि सनिल नेपाल र दक्षिण कोरियाका लागि डा.ज्योति प्याकुरेल भण्डारी रहेका छन्।

कतारका लागि नेपाली राजदूत डा.नरेशविक्रम ढकालले विगत ३० वर्षदेखि अरब राष्ट्रबाट एक जना पनि राष्ट्राध्यक्षको भ्रमण हुन नसक्दा कतारका अमिरको भ्रमण गराएर सफल कुटनीतिज्ञको उदाहरण देखाएका थिए।

सरकारले फिर्ता वोलाएको भनिएका पोर्चुगलका राजदूत सनिल नेपालले जिम्मेवारी समेत सम्हाल्न पाएका थिएनन् । पोर्चुगलमा राजदूतावास स्थापना समेत भइसकेको छैन ।

 

 

सम्बन्धित समाचार

विमानस्थलमा आपतकालिन उद्धार संयन्त्र झुरः भिआईपीले थपे सकस
विमानस्थलमा आपतकालिन उद्धार संयन्त्र झुरः भिआईपीले थपे सकस
  • २०८१ जेष्ठ २५, १२: ४४

काठमाडौं। मुलुकको एक मात्र अन्तराष्ट्रिय विमानस्थल (संचालित) त्रिभुवन अन्तराष्ट्रिय विमानस्थलमा आपतकालिन अवस्थामा गरिने उद्धारको प्रवन्ध कति कमजोर रहेछ भन्ने तथ्य...

सौर्य एयरलाइन्स दुर्घटनामा परि एकै परिवारका तीन जनाको निधन
सौर्य एयरलाइन्स दुर्घटनामा परि एकै परिवारका तीन जनाको निधन
  • २०८१ जेष्ठ २५, १२: ४४

काठमाडौं। त्रिभुवन अन्तराष्ट्रिय विमानस्थल परिषरमा उडान भर्नासाथ दुर्घटना भएको सौर्य एयरलाइन्समा सवार एकै परिवारका तीन जनाको निधन भएको छ। सौर्य...

बागमती प्रदेशमा कांग्रेसका ३ र एमालेका ६ सहित ९ मन्त्रीले लिए सपथ
बागमती प्रदेशमा कांग्रेसका ३ र एमालेका ६ सहित ९ मन्त्रीले लिए सपथ
  • २०८१ जेष्ठ २५, १२: ४४

हेटौंडा। बागमती प्रदेशमा नवनियुक्त मुख्यमन्त्री बहादुरसिंह लामासहित ९ जना मन्त्रीहरुले सपथ लिएका छन्। नेपाली कांग्रेसबाट कुन्दनराज काफ्ले, श्याम खड्का र...