तेश्रो कार्यकालको लागि भारतका प्रधानमन्त्री नरेन्द्र मोदीले लिए पद तथा गोपनीयताको शपथ – Naya Bikalpa
June 19, 2024, Wednesday
प्रभावशाली मन्त्रालयमा भाजपाकै नेताहरु दोहोरिए

तेश्रो कार्यकालको लागि भारतका प्रधानमन्त्री नरेन्द्र मोदीले लिए पद तथा गोपनीयताको शपथ

नयाँदिल्ली। भारतको प्रधानमन्त्रीमा नियुक्त भएका भारतीय जनता पार्टीका नेता तथा लोकसभा सदस्य नरेन्द्र दामोदर मोदीले आइतबार साँझ तेस्रो कार्यकालका लागि शपथ लिएका छन्।

राष्ट्रपति भवनमा आयोजित विशेष समारोहमा राष्ट्रपति द्रौपदी मुर्मुले मोदीलाई शपथ गराएकी हुन्।

लोकसभा निर्वाचनमा भाजपाले एकल बहुमत नल्याए पनि मोदी नेतृत्वको नेसनल डेमोक्रेटिक अलायन्सको बहुमत पुगेकाले उनी प्रधानमन्त्री बनेका हुन्। मंगलबार चुनाव मत परिणाम घोषणा भएको थियो।

उनलाई शुक्रबार राष्ट्रपति मुर्मुले प्रधानमन्त्री पदमा नियुक्त गरेकी थिइन्। मोदीको शपथ ग्रहण समारोहमा नेपालका प्रधानमन्त्री पुष्पकमल दाहालसहित दक्षिण एसिया विभिन्न मुलुकका राष्ट्रप्रमुख र प्रधानमन्त्रीहरू पुगेका छन् । मौरिससका राष्ट्रपति पनि शपथ समारोहमा उपस्थित थिए।

सन् २०१४ र २०१९ को चुनावमा भारतीय जनता पार्टीले एकल बहुमत हासिल गरेपछि मोदी दुई कार्यकाल प्रधानमन्त्री भइसकेका छन्। भारतमा तेश्रो कार्यकालका लागि प्रधानमन्त्री बन्ने मोदी दोश्रो व्यक्ति हुन् । त्यसअघि भारतीय कांग्रेसका नेता जवाहरलाल नेहरु तीन पटक प्रधानमन्त्री भएका थिए।

मोदीले आफ्नो मन्त्रिपरिषद्का महत्वपूर्ण मन्त्रालयहरूमा पुरानै मन्त्रीहरूलाई दोहो¥याएका छन्। भाजपाका प्रभावशाली नेताहरु राजनाथ सिंह, अमित शाह, नीतिन गडकरी, जेपी नड्डा, शिवराजसिंह चौहान, निर्मला सितारमण, एस. जयशंकर, पीयूष गोयल लगायत मन्त्री बनेका छन्।

मोदीले गठबन्धनका मुख्य घटक नीतिश कुमार नेतृत्वको जनता दल युनाइटेड र चन्द्रबाबु नायडू नेतृत्वको तेलगु देशम पार्टीबाट पनि मन्त्री बनाएका छन्।

सम्बन्धित समाचार

मन्त्रिपरिषद्को निर्णय बमोजिम दर्ता भएका क्रसर उद्योगको नविकरण गर्न सांसद खानको माग
मन्त्रिपरिषद्को निर्णय बमोजिम दर्ता भएका क्रसर उद्योगको नविकरण गर्न सांसद खानको माग
  • २०८१ जेष्ठ २८, १२: २६

काठमाडौं। जनमत पार्टीका बरिष्ठ उपाध्यक्ष तथा प्रतिनिधिसभा सदस्य अब्दुल खानले क्रसर उद्योगीले राखेको जायज माग पुरा गर्नु पर्ने माग गरेका...

काजीलाई परराष्ट्रबाट हटाएर डा.सीकेलाई उपप्रधानमन्त्री बनाउने निष्कर्षमा दाहाल र ओली
काजीलाई परराष्ट्रबाट हटाएर डा.सीकेलाई उपप्रधानमन्त्री बनाउने निष्कर्षमा दाहाल र ओली
  • २०८१ जेष्ठ २८, १२: २६

  काठमाडौं। जनमत पार्टीका अध्यक्ष समेत रहेका प्रतिनिधि सभा सदस्य डा.सीके (चन्द्रकान्त) राउतलाई उपप्रधानमन्त्रीसहित परराष्ट्रमन्त्री बनाउन प्रधानमन्त्री पुष्पकमल दाहाल ‘प्रचण्ड’...

राप्रपा अध्यक्ष लिङ्देनले रोष्ट्रममै च्याते भौतिक मन्त्रालयको विनियोजन पुस्तिका
राप्रपा अध्यक्ष लिङ्देनले रोष्ट्रममै च्याते भौतिक मन्त्रालयको विनियोजन पुस्तिका
  • २०८१ जेष्ठ २८, १२: २६

काठमाडौं। राष्ट्रिय प्रजातन्त्र पार्टी (राप्रपा)का अध्यक्ष राजेन्द्र लिङ्देनले भौतिक पूर्वाधार तथा यातायात मन्त्रालयको आगामी आर्थिक वर्ष २०८१–०८२को लागि विनियोजन पुस्तिका...