पोखरा आएको डान्स क्लवको टोली सवार बस दुर्घटनाः रुखले जोगायो २४को ज्यान

नयाँ विकल्प संवाददाता
प्रकाशित मिती: २०८१ कार्तिक २२, १६: १३

पोखरा। पोखरा महानगरपालिका–२२ स्थित शान्ति स्तुपा नजिकै आज एउटा रिजर्भ बस दुर्घटना भएको छ।

बिहीबार दिउँसो करिब साढे १२ बजे पुम्दीकोटबाट छोरेपाटनतर्फ आउँदै गरेको नवयुग डान्स क्लब दाङको भ्रमण टोली बोकेको बस दुर्घटनामा परेको हो।

रा१ख २१०६ नं.को मिनी बसका चालकले नियन्त्रण गुमाउँदा बस सडक छेउमा रहेको तिजुको रूखमा अड्किन पुगेको थियो।

बसमा सात महिला र १७ पुरुष गरी २४ जना यात्रु सवार थिए। तीमध्ये दुईजना घाइते भएका छन्।

घाइते भएका दाङको तुलसीपुर उपमहानगरपालिका–४ की १७ वर्षिया सन्ध्या रसाइली र १९ वर्षिया मनीषा रसाइलीलाई नमस्ते अस्पताल बिरौटा ल्याइएको छ।

बसलाई क्रेनको सहायताले निकाल्ने प्रयास भइरहेको जिल्ला प्रहरी कार्यालय कास्कीले बताएको छ।

सम्बन्धित समाचार

कूटनीतिक ‘इंगेजमेन्ट’ बढाएका छौं, परिणाम राम्रै निस्किन्छ : परराष्ट्रमन्त्री

२०८१ कार्तिक २२, १६: १३

काठमाडौं : परराष्ट्रमन्त्री डा आरजु राणा देउवाले परराष्ट्र मन्त्रालयले कूटनीतिक सक्रियताका साथ ‘इङ्गेजमेन्ट’ बढाइएको र यसबाट देशको परराष्ट्र सम्बन्धमा राम्रै परिणाम...