
काठमाडौं। नेपाल र बेलायतको दोहोरो राहदानी प्रयोग गरिरहेकी सुनसरीकी एक महिलामाथि नेपाल प्रहरीको केन्द्रीय अनुसन्धान ब्युरो (सीआईबी)ले अनुसन्धान शुरु गरेको छ।
बेलायतमा बसेर आभुषण (गहना) व्यवसाय गर्दै आएकी ती महिलाले दोहोरो नागरिकता र राहदानीको दुरुपयोग गरेकोबारे अनुसन्धान शुरु भएको हो।
बेलायतको अल्डरसटस्थित न्यू लक्ष्मी ज्वेलर्स सञ्चालन गर्दै आएकी सुनसरीकी ५० वर्षीया लक्ष्मी राईमाथि सीआईबीले अनुसन्धान सुरु गरेको हो।
लक्ष्मीले नेपालको नागरिकता परित्याग नगरी बेलायती राहदानी प्रयोग गरेको खुलेपछि सिआईबीले अनुसन्धान सुरु गरेको स्रोतले जनाएको छ।
लक्ष्मीले बेलायतमा रहँदा राहदानीको दुरुपयोग गरेको सूचनापछि सिआईबीले अनुसन्धान सुरु गरेको जनाइएको छ।
हाल बेलायतमै रहेकी लक्ष्मी लण्डनस्थित दूतावासका एक कर्मचारीसँगको झगडामा जोडिएकी थिइन। राईकै कारणले ती कर्मचारीले घरकी श्रीमतीलाई कुटपिट गरेपछि एकरात प्रहरी हिरासतमा बसेका थिए। उनको श्रीमतीसँग सम्बन्धविच्छेद भइसकेको छ।
सिआईबीले अनुसन्धान बढाइरहेको बेला नेपालका एक टेलिभिजनका पत्रकारले सिआईबीलाई अनुसन्धान अगाडि नबढाउन दबाब दिँदै आएको बुझिएको छ।
लक्ष्मीसँग दुवै देशको नागरिकता सक्रिय रहेको देखिएको छ। नेपालको कानुनअनुसार नेपाली नागरिकता त्याग नगरी दोस्रो मुलुकको पासपोर्ट प्रयोग गर्नु गैरकानुनी मानिन्छ।
बझाङ । बुङ्गल नगरपालिका–१० टुमेडामा अटो दुर्घटना हुँदा मृत्यु हुनेको संख्या चार पुगेको छ । सोमबार बिहान टुमेडाबाट वडा नं....
१.प्रमुख चाडबाडको मौसम गयो नेपालीहरुको सबैभन्दा ठुलो मानिएको चाड दसैँ हो । त्यो पनि गयो ।अर्को चाड तिहार हो...
काठमाडौं । राष्ट्रपति रामचन्द्र पौडेलसमक्ष तीन देशका लागि नवनियुक्त नेपाली राजदूतहरूले पद तथा गोपनीयताको शपथ लिएका छन्। राष्ट्रपति भवन शीतल...