- अनामनगर काठमाडौँ
- infobikalpa21@gmail.com
काठमाडौं। ताप्लेजुङमा रहेको प्रसिद्ध तीर्थस्थल पाथीभरासम्म जाने केबलकार निर्माण गर्ने र नगर्ने विषयमा भएको विवादमा झडप हुँदा तीन जना घाइते भएका छन्।
ताप्लेजुङका प्रमुख जिल्ला अधिकारी नेत्रप्रसाद शर्माका अनुसार घाइते हुनेमा स्थानीय चन्द्र मादेन, दमोदार अधिकारी र कुमार लिम्बु छन्। उनीहरुलाई जिल्ला अस्पताल ताप्लेजुङ लगिएको छ।
झडपमा परेर सशस्त्र प्रहरीका इन्स्पेक्टर डिगेन्द्र ओली सामान्य घाइते भएका छन्।
शुक्रबार दिउँसो १ बजेतिर तल्लोफेदीस्थित काफ्लेपाटीमा केबलकारको स्टेशन बनाउनलाई शिलान्यास गर्ने कार्यक्रम राखिएको थियो।
एमालेका जिल्ला अध्यक्ष डम्बरध्वज तुम्बाहाम्फे, फुङलिङ नगरपालिकाका मेयर अमिर मादेनलगायत कार्यक्रमस्थल पुगेको र कार्यक्रम सुरु भएलगत्तै पाथीभरामा केबलकार बनाउन दिनुहुँदैन भन्ने समूहका व्यक्तिहरूले ढुंगा हान्न थालेका थिए।
केबलबार बनाउन नदिनेहरुले अग्लो ठाउँमा बसेर तल ढुंगा हान्दा केही प्रहरीहरूलाई लागेको थियो । स्काभेटर चलाएर केबलकार शिलान्यास गरिएको थियो।
प्रजिअ शर्माका अनुसार हाल स्थितिमा नियन्त्रणमा आइसकेको छ। यद्यपि, दुवै पक्षका व्यक्तिहरु घटनास्थल आसपासमै छन्।
काठमाडौं : सूर्य उपासना तथा आराधनाको पर्व छठ आज देशभर श्रद्धा, भक्ति र उत्साहका साथ मनाइएको छ । छठ पर्वको...
काठमाडौं : नेपाल प्रिमियर लिग (एनपिएल) अन्तर्गत आइतबारको पहिलो खेलमा कर्णाली याक्स विजयी भएको छ । जारी सिजनको आफ्नो अन्तिम...
काठमाडौं । संयुक्त राष्ट्रसंघीय जलवायु परिवर्तनसम्बन्धी महासन्धिका पक्ष राष्ट्रहरूको ३१औँ सम्मेलन (कोप–३१) मा सहभागी भएर अर्थमन्त्री डा. स्वर्णिम वाग्ले आज...
