रबीलाई भैरहवाबाट पोखरा ल्याएर स्वास्थ्य जाँच गरियो

नयाँ विकल्प संवाददाता
प्रकाशित मिती: २०८१ कार्तिक ३०, १६: १५

पोखरा । सहकारीको रकम अपचलनको आरोपमा पक्राउ परेका पूर्वगृहमन्त्री एवम् रास्वपाका सभापति रबी लामिछानेलाई भैरहवाबाट पोखरा पुर्याइएको छ।

पोखरा पुर्याउनासाथ रबीको स्वास्थ्य परिक्षणका लागि पोखरा स्वास्थ्य विज्ञान प्रतिष्ठानमा लगिएको थियो। उनको स्वास्थ्य परिक्षणपछि प्रहरी हिरासतमा लगेको छ।

भैरहवास्थित गौतम बुद्ध अन्तर्राष्ट्रिय विमानस्थलबाट यति एयरको जहाजबाट रवीलाई पोखरा ल्याइएको थियो।

लामिछानेलाई सहकारीको रकम अपचलन गरेको आरोपमा पोखराबाट बयानका लागि बयानका लागि रुपन्देही जिल्ला सरकारी वकिलको कार्यालय लगिएको थियो।

मंगलबार रुपन्देही ल्याइएका लामिछानेलाई ३ दिन (२३ घन्टा) बयान बिहीबार सकिएपछि आज (शुक्रबार) पुनः पोखरा ल्याइएको हो।

रविलाई काठमाडौंबाट कात्तिक २ गते पक्राउ गरी पोखरा ल्याइएको थियो। लामिछानेको पक्राउ विरुद्ध उनको पार्टीले विरोध प्रदर्शनहरु गरिरहेको छ।