नेपालको संविधान अनुसार अभिव्यक्ति स्वतन्त्रता, मानव अधिकार, स्वतन्त्र न्यायपालिका, निस्पक्ष कार्यपालिकाले मात्र मुलुकको संघीय लोकतान्त्रिक गणतन्त्रको संस्थागत विकास हुने मान्यता रहि आएको छ । सोही अनुरुप मुलुकको राज्य संचालनका अंगहरु परिचालित भइरहेका हुन्छन् । लोकतान्त्रिक परिपाटीबाट मुलुक चलाउने जुनसुकै मुलुकमा पनि प्रेस निर्वाध रुपमा संचालन भईरहेको हुन्छ । २०४६ साल पछि सञ्चार क्षेत्रको प्रतिबन्धात्मक व्यवस्था हटेकै कारण नेपालको राजनैतिक परिवर्तनमा नेपाली प्रेसले अहम भूमिका खेल्दै आएका छन् । राज्य सञ्चालनमा जुनसुकै पार्टीको सरकार भएपनि नेपाली प्रेसले स्वतन्त्र र निर्भिक रुपमा नेपाली जनतालाई सूचना प्रवाह गरि रहेकै छन् । सरकार तथा प्रतिपक्षी दलको स्वच्छ आलोचना निर्वाध रुपमा गरिरहेको नेपाली संचार जगत् वेला वेलामा पीडित बन्न परेको यथार्थता हामीले व्यहोरिरहेका छौं ।
यस वर्ष पनि त्यस्ता खाले घटना भएको तथ्य विश्व प्रेस स्वतन्त्रता दिवसको अवसरमा महासंघले निकालेको प्रेस स्वतन्त्रता र पत्रकार सुरक्षाको वार्षिक प्रतिवेदनमा उल्लेख भएको छ । जस अनुसार गएको वर्षभन्दा यस वर्ष प्रेस स्वतन्त्रताको घटना झन बढेका छन् । गत वर्ष ६० वटा प्रेस स्वतन्त्रताको घटना घटेको थियो भने यस वर्ष विभिन्न ९७ वटा घटनाहरुका घटेका छन् । प्रतिवेदनले ९४ जना पत्रकार पिडित भएको देखाएको छ भने तिनवटा संचार संस्थामा प्रेस स्वतन्त्रता बिरोधीे घटना घटाइएको छ । विभिन्न संचार माध्यममा लेखेकै भरमा ८ जना पत्रकारलाई सरकाले गिरफ्तार गरेको छ । १३ पत्रकार माथी आक्रमण भएको छ । ३२ जना पत्रकारमाथी दुव्र्यवहार भएको छ । स्वतन्त्र प्रेस माथी अवरोध तथा कब्जा भएको, पत्रकारिता क्षेत्रमा असुरक्षा बढेको र पत्रकारिता पेशाबाट विस्तापित हुनेक्रम पनि जारी छ ।
पछिल्लो समय सरकाले संविधान प्रदत्त अधिकारलाई खुम्च्याउदै संचारसम्बन्धी कानुन संशोधन गरेर संसदमा समेत पेश गरेको छ । उक्त प्रेस सम्बन्धी कानुन सच्याउन र प्रेस मैत्री बनाउन नेपाली प्रेस जगतले संघर्ष गरिरहन परेको छ । अझै पनि त्यस्ता कानुन निर्माण गर्दा सरोकारवाला पक्षसँग सरसल्लाह समेत अगाडि बढाइएको छैन । स्वच्छ आलोचना गरेको र लेखेकै भरमा पत्रकारलाई गिरफ्तार गर्ने र स्वतन्त्र प्रेस माथी सरकारले हेर्ने दृष्टिकोणमा आमुल परिवर्तन नआएसम्म यस्ता खाले घटना घटिरहने छन् । त्यसैले लोकतान्त्रिक विधि अनुसार मुलुक चलाउन अभिव्यक्ति स्वतन्त्रताको अहम् भूमिका हुने हुँदा प्रेसलाई नियन्त्रण होइन स्वयम् नियमन गर्ने जिम्मेवार भूमिकाले मात्र नेपाली प्रेस स्वतन्त्र र निर्वाध रुपमा संचालन हुनेछ ।
१.प्रमुख चाडबाडको मौसम गयो नेपालीहरुको सबैभन्दा ठुलो मानिएको चाड दसैँ हो । त्यो पनि गयो ।अर्को चाड तिहार हो...
१. आयो दसैँ ढोल बजाई, गयो दसैँ ऋण बोकाई विक्रम सम्वत २०८३सालको बडा दसैँ यसपटक अलि ढिलो सुरु हुने ज्योतिष...
१. नेपाली कांग्रेसको १५औँ महाधिवेशन सुरु भयो विशेष अधिवेशनबाट निर्वाचित समितिले यही असोज १६—१९मा गर्ने भनिएको नेपाली कांग्रेसको १५आँै महाधिवेशनको...