११ महिनामा सबैभन्दा बढी डिजेल आयात, कुल आयात १८ खर्ब ९४ अर्ब पुग्यो – Naya Bikalpa
November 22, 2026, Sunday      Epaper

११ महिनामा सबैभन्दा बढी डिजेल आयात, कुल आयात १८ खर्ब ९४ अर्ब पुग्यो

काठमाडौँ । चालू आर्थिक वर्षको पहिलो ११ महिनामा नेपालले सबैभन्दा बढी डिजेल आयात गरेको छ। भन्सार विभागका अनुसार साउनदेखि जेठ मसान्तसम्म एक खर्ब ५२ अर्ब ६७ करोड रुपैयाँ बराबरको १२ लाख ६४ हजार किलो लिटर डिजेल आयात भएको छ।

विभागका अनुसार सो अवधिमा दोस्रो धेरै आयात हुने वस्तु भटमास तेलको कच्चा पदार्थ रहेको छ। ११ महिनामा एक खर्ब १९ अर्ब ६३ करोड रुपैयाँ बराबरको ७२ करोड ६४ लाख लिटर भटमास तेलको कच्चा पदार्थ आयात गरिएको छ।

त्यसैगरी, पेट्रोल तेस्रो धेरै आयात हुने वस्तु बनेको छ। समीक्षा अवधिमा ६८ अर्ब १७ करोड रुपैयाँ बराबरको ६ लाख ८५ हजार किलो लिटर पेट्रोल आयात भएको विभागले जनाएको छ।

यस्तै, ५३ अर्ब ६९ करोड रुपैयाँ बराबरको एक अर्ब २२ करोड ८६ लाख केजी स्पन्ज आइरन आयात भएको छ भने ५२ अर्ब २१ करोड रुपैयाँ बराबरको ४७ करोड ५९ लाख केजी एलपीजी ग्यास आयात गरिएको छ।

भन्सार विभागले सार्वजनिक गरेको तथ्यांकअनुसार चालू आर्थिक वर्षको ११ महिनामा कुल १८ खर्ब ९४ अर्ब रुपैयाँ बराबरको वस्तु आयात भएको छ। यो अघिल्लो आर्थिक वर्षको सोही अवधिको तुलनामा १५.१६ प्रतिशतले बढी हो। गत आर्थिक वर्षको सोही अवधिमा १६ खर्ब ४४ अर्ब रुपैयाँ बराबरको वस्तु आयात भएको थियो।

सम्बन्धित समाचार

आजका लागि विदेशी मुद्राको विनिमयदर
आजका लागि विदेशी मुद्राको विनिमयदर
  • २०८३ असार ८, १७: ५२

काठमाडौं : नेपाल राष्ट्र बैंकले आजका लागि विदेशी मुद्राको विनिमयदर निर्धारण गरेको छ। राष्ट्र बैंकका अनुसार अमेरिकी डलर एकको खरिददर...

नेप्सेमा सामान्य वृद्धि, परिसूचक २६२८.६७ विन्दुमा
नेप्सेमा सामान्य वृद्धि, परिसूचक २६२८.६७ विन्दुमा
  • २०८३ असार ८, १७: ५२

काठमाडौँ । साताको कारोबारको अन्तिम दिन बिहीबार नेपाल स्टक एक्सचेञ्ज (नेप्से) परिसूचक सामान्य अंकले बढेको छ । आज नेप्से ३.६२...

सबैको मिशन आगामी स्थानीय निर्वाचन
सबैको मिशन आगामी स्थानीय निर्वाचन
  • २०८३ असार ८, १७: ५२

काठमाडौं । छठको निहुँ बनाएर रास्वपा सभापति रवि लामिछाने र नेपाली कांग्रेसका सभापति गगन थापा मधेश प्रदेश ओर्लिएका छन् ।...