प्रभु लाइफ इन्स्योरेन्सको नयाँ शाखा

नयाँ विकल्प
प्रकाशित मिती: २०७५ आश्विन १५, ०८: ११

काठमाडौं । प्रभु लाइफ इन्स्योरेन्स लिमिटेड कम्पनीले गत असोज ११ गतेबाट दुई उप–शाखा कार्यालयहरु स्थापना गरी सञ्चालनमा ल्याएको छ । धनकुटा र अछाममा एकैसाथ उप–शाखा कार्यालयको शुभारम्भ गरी कारोबार थालेको हो ।

नेपालको इमर्जिङ समूह प्रभु समूह, प्रभु बैंक, सांग्रिला विकास बैंक र मुलुकका अन्य प्रतिष्ठित व्यवसायिक समूहको लगानी रहेको यो प्रभु लाइफले बीमा बजारलाई ग्रामीण तहसम्म पु¥याई न्यून आय भएका सर्वसाधारणको पहुँचमा पु¥याउने जनाएको छ ।

धनकुटा नगरपालिकाका मेयर चिन्तन तामाङले एक कार्यक्रमका बीच धनकुटा उप–शाखा कार्यालय तथा अछाम जिल्ला समन्वय समितिका कार्यवाहक संयोजक टोपबहादुर रावलले अछाम उप–शाखा कार्यालयको एकै दिन उद्घाटन गरी सेवा थालेका हुन् । दुई अर्ब चुक्ता पूँजी रहेको कम्पनीमा संस्थापक शेयरधनीले १ अर्ब ४० करोड लगानी गरेका छन् । कम्पनीले छिट्टैनै बाँकी साठ्ठी करोड रुपैयाँ बराबरको साधारण शेयर जारी गर्ने बताएको छ ।