तोकिएको सीमा भन्दा बढी शेयर धितो कर्जा असुल गर्न निर्देशन

नयाँ विकल्प संवाददाता
प्रकाशित मिती: २०७९ श्रावण १८, १४: ५८

काठमाडौं । शेयर धितो कर्जामा १२ करोडभन्दा ऋण दिएको पाइएमा सतप्रतिशत कर्जा नोक्सानीको व्यवस्था गर्न पर्ने व्यवस्था गरेको छ । बुधबार नेपाल राष्ट्र बैंकले आर्थिक वर्ष २०७९/८० मौद्रिक नीतिका एकिकृत निर्देशिका जारी गर्दै यस्तो व्यवस्था गरेको हो । तोकिएको सीमा नाघी कर्जा प्रवाह वा नवीकरण गरेमा बैंक तथा वित्तीय संस्थाले उक्त कर्जामा शतप्रतिशत कर्जा नोक्सानी व्यवस्था कायम गर्नु पर्ने व्यवस्था गरेको छ ।

राष्ट्र बैंकले जारी गरी गरेको एकिकृत निर्देशनमा भनिएको छ , ‘कुनै एक वा सबै इजाजतपत्रप्राप्त संस्थाहरुबाट शेयर धितोमा प्रवाह हुने मार्जिन प्रकृतिको कर्जाको अधिकतम एकल ग्राहक कर्जा सीमा ( Single Obligor Limit) कुल रु. १२ करोड कायम गरिएको छ ।’

त्यस्तै, २०७८ भदौ ८ गते पूर्व कुनै ऋणीलाई सीमाभन्दा बढी कर्जा प्रवाह भएको भए त्यस्तो कर्जालाई क्रमिक रुपले घटाउँदै लगी कर्जाको भुक्तानी अवधि वा सो मितिबाट एक वर्ष मध्ये जुन पहिले हुन्छ सो अवधि भित्र नियमित गरिसक्नु पर्ने व्यवस्था गरेको छ । राष्ट्र बैंकले यस्तो कर्जा प्रवाह गर्ने बैंक तथा वित्तीय संस्थाले कर्जा प्रवाह वा नवीकरण गर्दा उक्त सीमा ननाघेको यकिन गरेर मात्र कर्जा प्रवाहरनवीकरण गर्नु पर्ने भनेको छ ।

सम्बन्धित समाचार

व्यावहारिक, प्रविधिमैत्री र नैतिक शिक्षामा जोड दिन मुख्यमन्त्री बानियाँको आग्रह

२०७९ श्रावण १८, १४: ५८

काठमाडौं : बागमती प्रदेशका मुख्यमन्त्री इन्द्रबहादुर बानियाँले वर्तमान शिक्षा प्रणालीलाई विज्ञान, प्रविधि र कृत्रिम बुद्धिमत्ता (एआई)सँग जोडेर व्यावहारिक बनाउनुपर्ने बताएका...