आशा लघुवित्तको अध्यक्षमा रामेश्वर सापकोटा चयन

नयाँ विकल्प
प्रकाशित मिती: २०७४ पुष १७, ०९: ३७

काठमाडौं । आशा लघुवित्त वित्तिय संस्थाको अध्यक्षमा रामेश्वर सापकोटा चयन भएका छन् । संस्थाको गत मंसिर २३ गते भएको साधारणसभाबाट सापकोटा अध्यक्षमा चयन भएका हुन् । सापकोटालाई विहिबार राष्ट्र बैंकका कार्यकारी निर्देशक नारायणप्रसाद पौडेलले सपथ गराएका हुन् ।

यस अघि संस्थाको अध्यक्ष रामबहादुर पाण्डे थिए । साधारणसभाबाट निर्गुणप्रसाद भट्टचन, प्रदीपकुमार खड्का तथा हेमन्त पौडेल संचालकमा निर्वाचित भएका थिए । शपथ ग्रहण कार्यक्रममा संस्थाका संचालक प्रदीपकुमार खड्का, प्रमुख कार्यकारी अधिकृत बद्रीप्रसाद दुलाल तथा वित्त विभाग प्रमुख प्रमोद भट्टराईको उपस्थिति रहेको थियो । साधारण सभाले संस्थाको जारी पूँजी १० करोडको ३० प्रतिशतले हुन आउने तीन करोड बराबरको ३ लाख कित्ता शेयर सर्वसाधारणलाई जारी गर्ने निर्णय समेत गरेको छ । ०७३ भदौंमा कारोबार शुरु गरेको संस्थाले हाल देशभरीका ३६ वटा शाखाहरु मार्फत २३ हजार सदस्यहरुलाई वित्तीय सेवा पु¥याउँदै आएको छ ।