- अनामनगर काठमाडौँ
- infobikalpa21@gmail.com
काठमाडौं । बालअधिकारकर्मी तथा बालबालिकाको क्षेत्रमा काम गर्ने संघ संस्थाका प्रतिनिधीहरुले पछिल्लो समय देशैभरि बाल प्रेम विवाहको समस्या बढ्दै गएको बताएका छन् । बालविवाहको समस्या धेरै रहेको काभ्रेको पाँचखाल नगरपालिकाका उपमेयर लक्ष्मी दनुवारले सामाजिक सञ्जाल तथा मोवाईलका कारण यो समस्या झन बढेको बताईन् ।
बालविवाह बिरुद्धको सय दिने सञ्चार अभियानका अवसरमा राजधानीमा गरिएको कार्यक्रममा सामुदायिक रेडियो प्रसारक संघका अध्यक्ष सुवास खतिवडाले एफएम रेडियोहरुले बालविवाह भनेको गैरकानुनी कार्य हो भन्ने जानकारी प्रदान गरिराखेको बताए ।
देशभरिका सामुदायिक रेडियोहरुको नेटवर्क सीआईएनका प्रमुख दीपक आचार्यले सय दिनमा गाउँगाउँ टोल–टोलमा पुगेर ११ हजार नागरिकको बालविवाह रोक्ने प्रतिबद्धता रेकर्ड गरेर रेडियोबाट प्रसारण गरेर एसियामै नयाँ रेकर्ड कायम गर्न सफल भएको बताए ।
राष्ट्रपतीदेखि, प्रमुख राजनीतिक दलका नेताहरु, मन्त्रीहरु, ७ वटै प्रदेशका मुख्यमन्त्री तथा सामाजिक बिकास मन्त्रीहरु, सांसदहरु, कर्मचारी, अधिकारकर्मी, नागरिक अगुवा, बिद्यार्थी, किसान, व्यवसायी आदि सबै वर्ग र समुदायलाई भेटेर बालविवाह बिरुद्ध उहाँहरुको प्रतिबद्धता लिदा धेरै परिवर्तनका आधारहरु देखिएको आचार्यले बताए ।
सिन्धुपाल्चोकमा हुन लागेका दुई वटा बालविवाह रोक्न सफल सफलता भण्डारीले पछिल्लो समय प्रेममा परेर धेरैले बालविवाह गरिरहेको बताए । जिल्लाबाल सञ्जाल काभ्रेका अध्यक्ष रञ्जन पौडेलले बालविवाह रोकिएको समाचारहरु आउने तर गाँउमा पुग्दा उनीहरु विवाह बन्धनमै बाँधिएको पाइने गरेकाले भैसकेको विवाहलाई रोक्नुभन्दा पनि त्यो अवस्थामा पुग्नै नदिने गरि बिशेष अभियानको आवश्यकता रहेको बताए ।
बालअधिकारकर्मी एवं वल्डभिजन इन्टरनेशनल नेपालका वकालत तथा पैरवी निर्देशक पुस्कर खातीले अभिभाबकले आफ्ना छोराछोरीलाई राम्रो दिशानिर्देश र परामर्श गर्न नसके बिचैमा पढाई छोडेर प्रेम विवाह गर्ने सम्भावना हुने भएकाले अभिभावक सबै भन्दा बढि सजक र सचेत हुनुपर्ने आवश्यकता औल्याए ।
१. आयो दसैँ ढोल बजाई, गयो दसैँ ऋण बोकाई विक्रम सम्वत २०८३सालको बडा दसैँ यसपटक अलि ढिलो सुरु हुने ज्योतिष...
१. आयो दसैँ ढोल बजाई, गयो दसैँ ऋण बोकाई विक्रम सम्वत २०८३सालको बडा दसैँ यसपटक अलि ढिलो सुरु हुने...
१.नेपाली कांग्रेसको १५औँ महाधिवेशन नेपाली कांग्रेसको विशेष अधिवेशनमार्फत् प्राप्त कार्यादेशको आधारमा गगन थापाले नेतृत्व गरेको नेपाली कांग्रेसको १५औँ महाधिवेशन...
