इन्डोनेसियामा बाढीपहिरोमा परी मृत्यु हुनेको संख्या ५०२

नयाँ विकल्प
प्रकाशित मिती: २०८२ मंसिर १५, १५: १४

काठमाडौं। इन्डोनेसियामा चक्रवाती तुफानका कारण भएको अत्यधिक वर्षामा परी हालसम्म मृत्यु हुनेको संख्या ५०२ पुगेको छ ।‘चक्रवात सेन्यार’ तुफानका कारण इन्डोनेसियामा विनाशकारी बाढीपहिरोमा परी कैयौँ घर बगेका छन् भने भवन डुबेका छन् ।
अझै पनि बाढी प्रभावित क्षेत्र मुख्य सहरबाट पहुँचविहीन छन् । केही ठाउँमा पाँच दिनदेखि मोबाइल सिग्नल नआएको बताइएको छ ।सम्पर्कविहीन भएका मानिस खोज्न उद्धारकर्मी परिचालन गरिएको छ ।

यसै महिना एसियाभरि भएको अत्यधिक वर्षा र तुफानले थाइल्यान्ड, मलेसिया, फिलिपिन्सका केही भागमा विनाश निम्त्याएको छ । उक्त विनाशले लाखौं मानिसलाई प्रभावित भएका छन् ।गत महिनाको सुरुमा भियतनाममा धेरै दिनसम्म भएको भारी वर्षामा कम्तीमा ९० जनाको ज्यान गएको थियो ।यसैगरी, थाइल्यान्डमा १७० जना र मलेसियामा तीन जनाको मृत्यु पुष्टि भएको छ । नोभेम्बरको सुरुमा फिलिपिन्समा आएको तुफानले ३०० जनाको ज्यान लिएको थियो ।

सम्बन्धित समाचार

दक्षिण जापानमा ७.१ म्याग्निच्युडको भूकम्प

२०८२ मंसिर १५, १५: १४

काठमाडौँ । दक्षिण जापानमा मंगलबार ७.१ म्याग्निच्युडको शक्तिशाली भूकम्प गएपछि व्यापक त्रास फैलिएको छ। स्थानीय सञ्चारमाध्यमका अनुसार भूकम्पका कारण कुमामोटोस्थित...