काठमाडौं । अमेरिकामा एक विमान दमकलसँग ठोक्किएको छ ।अमेरिकाको न्यूयोर्कको ला गार्डिया विमानस्थलमा आइतबार अवतरणका क्रममा एयर क्यानडाको उक्त विमान दमकलसँग ठोक्किएको हो ।
उक्त दुर्घटनामा विमानका पाइलट र को–पाइलटको मृत्यु भएको छ भने दर्जनौँ व्यक्ति घाइते भएका छन् ।राति करिब ११ः४० बजे ज्याज एभिएसनद्वारा सञ्चालित एयर क्यानडाको एउटा विमानले पोर्ट अथोरिटीको ‘विमान उद्धार तथा अग्नि नियन्त्रक’ सवारीसाधनलाई ठक्कर दिएको न्युयोर्क र न्यु जर्सीको पोर्ट अथोरिटीले जनाएका छन् । उक्त दमकल अर्को एउटा छुट्टै घटनाको उद्धारका लागि जाँदै थियो ।
दुर्घटनालगत्तै आपतकालीन उद्धार प्रोटोकलहरू सक्रिय पारिएको थियो । पोर्ट अथोरिटीले विज्ञप्तिमार्फत उद्धार र विस्तृत अनुसन्धानका लागि विमानस्थल बन्द गरिएको जनाएको छ ।
दुर्घटना भएको एयर क्यानडाको उडान नम्बर ८६४६ मा ७२ जना यात्रु र ४ जना चालक दलका सदस्य रहेकोमा एक पाइलट र एक को–पाइलटको मृत्यु भएको पुष्टि भएको छ । दुर्घटनामा ४१ जना यात्रु र चालक दलका सदस्यलाई अस्पताल लगिएको थियो, जसमध्ये ३२ जना डिस्चार्ज भइसकेका छन् । दमकलमा रहेका दुईजना पनि घाइते भएका छन् ।
घटनाको जानकारी दिँदै अमेरिकी तटरक्षक गार्डका प्रवक्ता माइक सालेर्नोले उद्धार टोलीले हेलिकप्टरमार्फत हराइरहेको विमानको निरन्तर खोजी गरिरहेको जानकारी दिँदै खोज टोलीले विमानको भग्नावशेष समुद्री बरफमा फेला पारेको बताए । दुई पौडीबाजलाई तल झरेर अनुसन्धान गर्दा विमानमा सवार ९ जना यात्रुसहित पाइलटको मृत्यु भएको पाइएको थियो ।
काठमाडौँ । दक्षिण जापानमा मंगलबार ७.१ म्याग्निच्युडको शक्तिशाली भूकम्प गएपछि व्यापक त्रास फैलिएको छ। स्थानीय सञ्चारमाध्यमका अनुसार भूकम्पका कारण कुमामोटोस्थित...
काठमाडौं । प्रजातान्त्रिक गणतन्त्र (डीआर) कंगोमा फैलिएको इबोला महामारी झन् भयावह बन्दै गएको छ। महामारीका कारण मृत्यु हुनेको संख्या एक हजार...
काठमाडौँ : भारतका शिक्षामन्त्री धर्मेन्द्र प्रधानले राजीनामा दिएका छन् । कक्रोच जनता पार्टी (सीजेपी), विभिन्न विद्यार्थी संगठन र विपक्षी दलहरूको...
