सिरीयामा गरिएको हवाई हमलाको निन्दा

नयाँ विकल्प विशेष संवाददाता
प्रकाशित मिती: २०८० माघ ७, ०८: ५२

एजेन्सी । इरानले सिरियामा गरेको हवाई हमलाको निन्दा गरेको छ । इरानका राष्ट्रपति इब्राहिम रायसीले सिरियाको दमास्कसमा भएको हवाई आक्रमणको जिम्मेवार इजरायल भएको भन्दै इजरायलले सिरियाली सेनालाई पनि निशाना बनाएको आरोप लगाएको छ ।

इजरायलले वषौंदेखि सिरयामा इरानसँग समन्धित क्षेत्रहरुलाई लक्षित गरी आक्रमण गर्ने गरेको भन्दै राष्ट्रपति रायसीले उक्त हमलामा मारिएका व्यक्तिहरुलाई शहीदको दर्जा दिँदैै मृतकका परिवारप्रति समवेदना प्रकट गरेका छन् ।

हवाई हमलालगत्तै इरानले वक्तव्य जारी गर्दै हमलालाई आतंकवादीको संज्ञा दिएको थियो । इरानको विदेश मन्त्रालयले जारी गरेको विज्ञप्तीमा इजरायलको आक्रमण उत्तेजक र आक्रामक भन्दै ज्यादती रोक्न सचेत गराएको थियो ।

सम्बन्धित समाचार

दक्षिण जापानमा ७.१ म्याग्निच्युडको भूकम्प

२०८० माघ ७, ०८: ५२

काठमाडौँ । दक्षिण जापानमा मंगलबार ७.१ म्याग्निच्युडको शक्तिशाली भूकम्प गएपछि व्यापक त्रास फैलिएको छ। स्थानीय सञ्चारमाध्यमका अनुसार भूकम्पका कारण कुमामोटोस्थित...