पहिरोमा परी मर्नेको सङ्ख्या ४३ पुग्यो

नयाँ विकल्प विशेष संवाददाता
प्रकाशित मिती: २०८० माघ ११, २०: १६

एजेन्सी । चीनको दक्षिणपश्चिमी क्षेत्रमा पहिरोमा परी मर्नेको सङ्ख्या ४३ पुगेको छ । भग्नावशेषमा अझै एक जना बेपत्ता भएको सरकारी मिडियाले बताएका छन् ।

युनान प्रान्तको झेन्सियोङ काउन्टीमा गएको पहिरोमा १८ घर पुरिएको र दुई सयभन्दा बढी मानिस सुरक्षित स्थानमा सारिएको छ । घटनास्थलमा थप नौ शव प्राप्त भएको र यसले बुधबार मर्नेको सङ्ख्या ३४ लाई बढाएर ४३ पुर्याएको चिनियाँ सरकारी प्रसारक सिसिटिभीले बताएको छ ।

राष्ट्रपति सि जिनपिङले सोमबार ‘पूर्ण’ उद्धार प्रयास गर्न आदेश दिएका थिए । प्रकोपपछि दुई सय उद्धारकर्मीले पुरिएका गाउँलेहरूको खोजीमा चिसो मौसम र हिउँको तहको सामना गर्नुपरेको छ ।

सरकारी मिडियाले साझा गरेको तस्बिरहरूमा हेलमेट, फेस मास्क र चम्किलो सुन्तला रङको कपडा लगाएका उद्धारकर्मीहरूले जीवित मानिस खोज्नका लागि रातभर खनिरहेको देखाइएको छ । दर्जनौँ दमकल र खन्ने उपकरणहरू पनि त्यहाँ देख्न सकिन्छ ।

सम्बन्धित समाचार

दक्षिण जापानमा ७.१ म्याग्निच्युडको भूकम्प

२०८० माघ ११, २०: १६

काठमाडौँ । दक्षिण जापानमा मंगलबार ७.१ म्याग्निच्युडको शक्तिशाली भूकम्प गएपछि व्यापक त्रास फैलिएको छ। स्थानीय सञ्चारमाध्यमका अनुसार भूकम्पका कारण कुमामोटोस्थित...