- अनामनगर काठमाडौँ
- infobikalpa21@gmail.com
येँ : नेपाः सरकारं न्हापांगुखुसिइ ग्वसाःग्वःगु सगरमाथा संवाद २५ बुँदे ‘सगरमाथा कार्य आह्वान’ जारी यासें थौं थ्वचाःगु दु । ‘जलवायु परिवर्तन, हिमाल व मानव जातिया भविष्य’ विषयया न्हापांगु ब्वः थ्वहे जेठ २ गते न्ह्याःगु खः ।
सगरमाथा कार्य आह्वानं दिगो भाविष्य सुनिश्चित यायेत साझेदारीयात सुदृढ यानाः पूर्व–औद्योगिक स्तरसिबें १.५ डिग्री सेल्सियससिबें अप्वः विश्वव्यापी औसत तापक्रमय् वृद्धि जुइका मबीकेत आवश्यकतायात हाकनं पुष्टि याःगु दु ।
थःगु देय् विशेष अनुकूलनया आवश्यकता पूवंकेत राष्ट्रिय अनुकूलन योजनातय्गु विकास व कार्यान्वयनयात थप प्रोत्साहन बिइगु, अले विकासशील देय् व विशेष परिस्थितिइ लाःगु देय् यात जलवायु ज्या कार्यान्वयनया नितिं अन्तरराष्ट्रिय आर्थिक ग्वाहालि अप्वयेकेगु व परिचालन यायेत आह्वान यायेगु खँ न्ह्यथनातःगु दु ।
संवादं विकासशील व जलवायु ह्यूपाःया जोखिमय् लाःगु देय्यात निगूपक्षीय, बहुपक्षीय व वैकल्पिक स्रोतपाखें आर्थिक संयन्त्रया सञ्चालक निकाय व यूएनएफसीसीसी व पेरिस सम्झौताअन्तर्गतया कोषनापं अन्तरराष्ट्रिय जलवायु वित्तय् समान व सरलीकृत पहुँच सुनिश्चित यायेत मंकाः कुतःयात हःपा बिइत आह्वान याःगु दु ।
पर्वतीय क्षेत्रय् जलवायु ज्या व दिगो विकासया नितिं लक्षित आर्थिक स्रोतत परिचालन यायेत पर्वतीय देय्तय्गु विकासया नितिं समर्पित कोष निस्वनेगु आह्वानयात समर्थन यायेगु व आः दूगु नापं नवप्रवर्तनकारी आर्थिक स्रोतयात छ्यलाः पर्वतीय पारिस्थितिक प्रणाली सेवाथय्गु मान्यता, सम्मान व पुरस्कृत यायेत प्राथमिकता बिइगु सगरमाथा ज्या आह्वानय् दुथ्यागु दु ।
दिगो जलवायु ज्यायात हःपाः बिइत निजी ख्यःया आर्थिक व कार्बन बजाःतय्गु भूमिकाय् बः बिइगु, जलवायुमैत्री प्रविधिइ पहुँच अःपुकेगु व क्षमता अभिवृद्धि यायेत हलिंन्यंकं व क्षेत्रीय साझेदारीयात सुदृढ यायेगु संवादया लिच्वः दु ।
संवादं ग्रामीण व सहरी समुदाय निगूलिइ चिधंगुनिसें तधंगु स्तरया पूर्वाधारतक हरित, लचिलो व समावेशी विकास प्रवद्र्धन यायेगु महत्वयात नालाकासें स्वच्छ ऊर्जा, ऊर्जा दक्षता व न्यायपूर्ण ऊर्जाया महत्वयात बः बिइगु, स्वच्छ ऊर्जाया नापं हरित, चक्रीय व बायो–अर्थतन्त्रपाखें भविष्ययात शक्ति बिइगु महत्वयात नालाकाःगु दु ।
जलवायुजन्य विपद्तय्त सम्बोधन यायेगु व हिमनदी, जलस्रोत, वन व कृषि प्रणालीया संरक्षणया नितिं विज्ञान, प्रविधि व नवप्रवर्तनया लिधंसाय् ज्यंकेत प्रवद्र्धन यायेगु आह्वानय् न्ह्यथनातःगु दु ।
“क्षेत्रीय जलवायु, मनसुन, क्रायोस्फियर व जनस्वास्थ्यय् दुग्यंक लिच्वः लाकीगु ट्रिपल प्लानेटरी क्राइसिस व अल्पकालीन जलवायु प्रदूषकय् विशेष ध्यान बियाः हिमाल व जलवायु ह्यूपाः एजेन्डाय् संवादयात हःपाः बियागु दु । विकासशील देय्तय्गु आवश्यकता कथं तथ्याङ्क प्रणालीयात सुदृढ यायेगु, तथ्याङ्क साझेदारी व अन्तरसञ्चालन सुनिश्चित यायेगु व जलवायु एट्रिब्युशन व पूर्वचेतावनी संयन्त्रत विकास यायेगु अत्यावश्यकतायात स्वीकार यानागु दु”, सगरमाथा कार्य आह्वानय् न्ह्यथनातःगु दु ।
मस्त, युवा, मिसा, अपाङ्गता जूपिं मनू, ज्याथःजिथिपिनिगु सक्रिय ब्वतिपाखें समावेशी जलवायु ज्यातयात हःपाः बिइत व अन्तर–पुस्ता व अन्तर–पुस्ता समानता ल्यंकातसें लैङ्गिक सन्तुलन ल्यंकेगु आह्वानय् न्ह्यथनातःगु दु ।
पर्वतीय समुदायपिनिगु सःयात हलिंन्यंकं जलवायु प्रक्रियाय् थ्वयेकेगु तातुनां संवाद, नवप्रवर्तन व सशक्तीकरणया नितिं हिमाल व जलवायु ह्यूपाःसम्बन्धी बहु–सरोकारवाला अन्तरराष्ट्रिय मञ्चया सिर्जना यायेत आह्वान याःगु दु ।
आह्वानय् धयातःगु दु, “स्थानीय व आदिवासी समुदायपिनिगु जलवायु नीति, ज्याझ्वः व ज्यातय्, अनुकूलन व संरक्षण पहललिसें भूमिकायात स्वीकार यानागु दु । वातावरणीय सेवापिनिगु भुक्तानीया नितिं संयन्त्रत विकास याये माःगुयात बः बिइगु व नवप्रवर्तनकारी जलवायु वित्तपोषण नालाकायेत सक्षम दयेकेत आह्वान यानाच्वना ।”
ज्ञां केन्द्रत विकास, तः जिगु कुतःत मंकाः यायेगु व जलवायु नीति, ज्याझ्वः व ज्यातय् स्थानीय समुदायपिनिगु भूमिका तब्याके माःगु यात बः ब्यूगु दु । संवादय् सगरमाथानिसें समुद्रतक व तःजागु थासंनिसें टापुतक थ्वइगु कथं तुरुन्त हे जलवायु ज्याया नितिं मंकाः सः दयेकेगु संकल्प याःगु दु ।
धनकुटा : नेपाली कांग्रेसकी सहमहामन्त्री डा. डिला संग्रौलाले पार्टीको निर्धारित महाधिवेशन आगामी असोजमै सम्पन्न हुने बताउँदै त्यसको तयारीस्वरूप देशभर क्रियाशील...
काठमाडौं : शिक्षा तथा खेलकुदमन्त्री सस्मित पोखरेलले राष्ट्रिय परीक्षा बोर्डले नतिजा समयमै प्रकाशन गर्न कुनै हतार नगरेको स्पष्ट पारेका छन् ।...
चितवन । राष्ट्रिय स्वतन्त्र पार्टी (रास्वपा) ले दोस्रो चरणअन्तर्गत पार्टी पदाधिकारी निर्वाचनको तालिका सार्वजनिक गरेको छ । केन्द्रीय निर्वाचन आयोगका...
