- अनामनगर काठमाडौँ
- infobikalpa21@gmail.com
येँ : भौतिक पूर्वाधार लिसें यातायातमन्त्री देवेन्द्र दाहालं येँया ग्वार्काेय् दयेकाच्वंगु फ्लाईओभरया ज्या थ्वहे जेठय् दुने पूवनीगु धयादीगु दु । थौं सुथय् फ्लाईओभर निर्माण क्षेत्रया स्थलगत निरीक्षणया झ्वलय् वय्कलं ल्यंगु ज्या याकनं क्वचायेकेत निर्माण कम्पनीयात निर्देशन बियादिल ।
जेठ जःछिं निर्माण सिधय्वं फ्लाईओभरं सवारीसाधन सञ्चालनया तयारी यायेगु वय्कलं धयादिल । “आः नं लिबाकेगु छुट मदु”, मन्त्री दाहालं धयादिल, “परिस्थिति पिनेया प्राकृतिक विपद् मवःसा जेठया लिपांगु दिं तकया दुने सवारीसाधन सञ्चालनया तयारी यायेमाः । थ्व छगू पियाच्वनागु आयोजना जूगुलिं याकनं सञ्चालन यायेमाः ।”
फ्लाईओभर अन्तर्गत ३५ मिटर स्पानया प्यंगूलेन प्रिकाष्ट ग्रिडर पुलनापं एप्रोच सतक लिसें पिच निर्माण ज्या जुयाच्वंगु दु । फ्लाईओभरय् ट्राफिक लाइट जडानया ज्या नं जुइत्यंगु दु ।
अनुगमनया झ्वलय् मन्त्रालयया सचिव केशवकुमार शर्मां निर्माणया झ्वलय् छुं प्राविधिक समस्या खनेदूगु धयादिसें उगु समस्या ज्यंकेधुंकूगु धयादिल । सडक विभागया महानिर्देशक रामहरि पोखरेलं राजधानीया सवारी व्यवस्थापनया निंतिं ग्वार्काे फ्लाईओभर महत्वपूर्ण योजनाया कथं जगुलिं थुकियात प्राथमिकता बियाः पूवंकेमाःगु बिचाः तयादिल ।
सडक विभागया गुणस्तर अनुसन्धान लिसें विकास केन्द्रया प्रमुख दिप बराहीया कथं भौतिक पूर्वाधारया प्रमुख ज्या सिधयेधुंकूगु दुसा आः माःगु ब्वय् पिच यायेगु ज्या जुयाच्वंगु दु । विसं २०८० फागुन ११ गते तक सिधयेकेगु यानाः १७ क्वःति ६ लख ८८ द्वः तकाया लागतय् निर्माण न्ह्याःगु फ्लाईओभर क्वःछिनातःगु इलय् पूमवनाः म्याद थप याःगु खः ।
काठमाडौं : दसैं मनाउन काठमाडौं उपत्यकाबाट बाहिरिएका यात्रुहरू धमाधम फर्किन थालेपछि उपत्यका भित्रिने प्रमुख नाकाहरूमा सवारी चाप बढ्न थालेको छ...
काठमाडौं : अर्थमन्त्री डा. स्वर्णिम वाग्ले र भारतीय विदेशमन्त्री डा एस जयशंकरबीच बदलिँदो विश्व परिस्थितिमा अन्तरराष्ट्रिय सहकार्यको स्वरूप र भविष्यबारे...
तुलसीपुर (दाङ) : दाङको तुलसीपुर उपमहानगरपालिका–१८ स्थित रानी सामुदायिक वन क्षेत्रमा निर्मित कृत्रिम ड्याम निर्माण भएपछि स्थानीय किसानहरूका लागि सिंचाइ सुविधामासहजता...
