- अनामनगर काठमाडौँ
- infobikalpa21@gmail.com
येँ : प्रधानमन्त्री केपी शर्मा ओलीं नेपाः वइपिं पर्यटकतय्त छुं नं कानुनी व प्रशासनिक झञ्झट मजुइकुसे दुनुगलं आतिथ्य बिइत इनाप यानादीगु दु ।
संस्कृति, पर्यटन नापं नागरिक उडड्यन मन्त्रालयं थौं सिंहदरबारय् ग्वसाःग्वःगु राष्ट्रिय पर्यटन संवादय् वय्कलं दयाच्वंगु पंगःत चीकाः सुशासन व विकासया गतियात न्ह्याकेत व्यापक सुधारया नितिं निर्देशन बियादीगु खः ।
अध्यागमनय् यात्रुतय्त अनावश्यक दुःख बिइगु, लगेज तनीगु, सीमा नाकाय् पर्यटकत दुहाँवइबलय् थी थी बाहना दयेकीगु थें जाःगु ज्या अन्त्य जुइमाःगुलिइ प्रधानमन्त्री ओलीं बः बियादिल । “झीसं पूर्वाधार विकासलिसें पर्यटन वृद्धि यायेत कुतः यानाच्वनागु दु । सम्पर्क सञ्जाल तब्याकूगुलिं नेपाः आः दुर्गम मजुल । जुम्लाया स्याउ येँय् बांलाक थ्यनाः बजाः कयाच्वंगु दु । चीनलिसे १४ गू नाका चायेकेधुंकूगु दु । किमाथाङ्का नाकाय् ताँ दयेकेत्यंगु दु”, प्रधानमन्त्री ओलीं धयादिल, “छुं नं मजूगु थासय् फुक्कं छकलं यायेबलय् ई काइ । छुं नं मजू धकाः चिन्ता कायेमाःगु अवस्था मदु । सम्बन्धित निकायपाखें जुइमाःगु सहजीकरणया ज्याय् छुं नं कमजोरी मजुइकुसे समृद्धिया आधारकथं पर्यटनयात न्ह्याकायंके ।”
प्रधानमन्त्री ओलीं नेपाःया सर्गः सुरक्षित जूसां नं युरोपया सर्गः नेपाःया नितिं अझ नं प्रतिबन्धित (हाकुगु धलखय्) दुथ्याःगुलिं सर्तकथं हवाई ख्यःया निगू निकायतय्त फयांफक्व याकनं ब्वथलेत व मेमेगु मापदण्ड नं पूवंकेत सम्बन्धित निकायतय्त निर्देशन बियादिल ।
सहलहय् येँ–मुग्लिन–पोखरा, बुटवल–पाल्पा–पोखरा, येँ–धौख्यःलिसें मूमूगु सतकत इलय् हे निर्माण, सीमा नाकातपाखें पर्यटकत दुहाँवयेत सहजता, युरोपियन मुलुकय् तप्यंक हवाई सम्पर्क, विश्व दबुली नेपाःया ब्राण्ङिङ, पर्यटन प्रवद्र्धनया गुरुयोजना निर्माण, नेपाः वायुसेवा निगमया पुनःसंरचना, सगरमाथा संवादलिपा उकिया लिच्वः कार्यान्वयन, गुणस्तरीय लगानी, जनशक्ति व्यवस्थापन, कर नापं मुद्रा सटहीइ सहजता, च्वापुगुँया सुचुकुचु, डिजिटल क्षमता चकंकेगु व अन्तर निकाय समन्वय वृद्धि यायेमाःगुलिइ बः ब्यूगु खः ।
सङ्घया सम्बन्धित मन्त्रीत, प्रदेश सरकारया पर्यटन स्वइपिं मन्त्रीत, उच्चाधिकारी व निजी ख्यःया प्रतिनिधितय्गु ब्वति दूगु ज्याझ्वलय् पर्यटन ख्यलय् दयाच्वंगु समस्या व ज्यंकेगु उपायबारे निजी ख्यपाखें वःगु सुझावतय्गु लिधंसाय् तयार याःगु कार्ययोजना न्ह्यब्वःगु खः ।
काठमाडौं : दसैं मनाउन काठमाडौं उपत्यकाबाट बाहिरिएका यात्रुहरू धमाधम फर्किन थालेपछि उपत्यका भित्रिने प्रमुख नाकाहरूमा सवारी चाप बढ्न थालेको छ...
काठमाडौं : अर्थमन्त्री डा. स्वर्णिम वाग्ले र भारतीय विदेशमन्त्री डा एस जयशंकरबीच बदलिँदो विश्व परिस्थितिमा अन्तरराष्ट्रिय सहकार्यको स्वरूप र भविष्यबारे...
तुलसीपुर (दाङ) : दाङको तुलसीपुर उपमहानगरपालिका–१८ स्थित रानी सामुदायिक वन क्षेत्रमा निर्मित कृत्रिम ड्याम निर्माण भएपछि स्थानीय किसानहरूका लागि सिंचाइ सुविधामासहजता...
