- अनामनगर काठमाडौँ
- infobikalpa21@gmail.com
येँ : अख्तियार दुरुपयोग अनुसन्धान आयोगं पतञ्जली योग पीठ लिसें आयूर्वेद कम्पनी नेपालया जग्गा प्रकरण सम्बन्धय् पुलांम्ह प्रधानमन्त्री माधवकुमार नेपालनापं ९३ म्हेसिया विरुद्ध विशेष अदातलय् थौं द्वपंपौ दायर याःगु दु ।
उगु द्वपंपौ दायर जूलिसें नेकपा (एकीकृत समाजवादी)या नायः नापं जुयाच्वनादीम्ह पुलांम्ह प्रधानमन्त्री नेपालया सांसद पद स्वतः निलम्बन जूगु दु । भ्रष्टाचार निवारण ऐन, २०५९ कथं फौज्दारी व भ्रष्टाचारसम्बन्धी मुद्दा दायर जूलिसें सार्वजनिक ओहोदाया व्यक्तिया सार्वजनिक पद स्वतः निलम्बन जुइगु प्रावधान दु । वय्कः सङ्घीय संसद्अन्तर्गत रौतहट जिल्लाया प्रतिनिधिसभा क्षेत्र नं १ पाखें निर्वाचित जुयादिम्ह सांसद खः ।
काभ्रेपलाञ्चोकया नासिकास्थान साँगा, महेन्द्रज्योतिइ कम्पनी सञ्चालनया निंतिं हदबन्दीसिबें अप्वः जग्गा न्याःगु नापं उगु जग्गा म्हो मूल्यय् न्यानाः यक्वः धेबां म्यूगु द्वपनय् आयोगं वय्कःपिं विरुद्ध मुद्दा दायर याःगु खः ।
उगु कम्पनीया संस्थापक दुजः शालीग्राम सिंहलिसेंनं उगु कम्पनीया नां छ्यलाः छ्यलेबिइकाः कम्पनीया आज्जुया अःखः जुइगु कथं बदनियत तयाः थःलिसें प्रतिवादीतय्त लबः जुइगु कथं मेगु सरकारी सार्वजनिक पदय् च्वंपिं नाप मिलेजुयाः उगु जग्गा न्याःगु विषयस भूमिसम्बन्धी ऐन, २०२१ या दफा १० अःखः ज्या जूगु आयोगं ठहर याःगु दु ।
उगु प्रकरणय् सम्बन्धित निकायया व्यक्ति लिसें राष्ट्रसेवकं थःगु पदीय ओहोदाया दुरुपयोग यानाः ÷याकाः थःगु जिम्माय् दूगु सरकारी सार्वजनिक सम्पत्तिया सम्बन्धय् बदनियत तयाः गैरकानुनी निर्णय याःगु खनेदूुगु आयोगं धाःगु दु ।
आयोगं उगु हदसिबें अप्वः जग्गा वहे ऐनया दफा ११ कथं जफत लिसें सरकारी सार्वजनिक कायम जुइगु दाबी याःगु दु । आयोगया प्रवक्ता राजेन्द्रकुमार पौडेलं उगु मुद्दा दर्तासम्बन्धी पौ सङ्घीय संसद् सचिवालयस थ्यनेधुंकूगु राससयात धयादिल ।
संखुवासभा : नेपाली कांग्रेसभित्र आन्तरिक सुधार, सुशासन र पार्टी रूपान्तरणको मुद्दालाई लिएर देशव्यापी अभियान तीव्र पारिएको छ। यसै क्रममा पार्टीका...
काठमाडौँ : चालु आर्थिक वर्ष पूरा हुन १९ दिन बाँकी हुँदा सरकारले राजश्व संकलनमा लक्ष्यको ७५ दशमलव १७ प्रगति हासिल...
काभ्रेपलाञ्चोक : स्तरोन्नति भइरहेको अरनिको राजमार्गअन्तर्गत धुलिखेल–खावा सडकखण्डलाई तीव्रता दिन असार तेस्रो सातादेखि १५ दिन रातको समयमा सवारीसाधन आवागमनमा रोक...
