- अनामनगर काठमाडौँ
- infobikalpa21@gmail.com
एजेन्सी : भारतको गुजरातस्थित अहमदाबादमा भएको एयर इन्डियाको विमान दुर्घटनामा परेका यात्रुहरूमा राज्यका पूर्व मुख्यमन्त्री विजय रूपाणी पनि रहेको भारतीय संचारमाध्यमले जनाएका छन्।
दैनिक भास्करका अनुसार आफ्नी छोरीलाई भेट्न लन्डन जाँदै गर्दा उनी सवार विमान दुर्घटनामा परेको हो। अहमदाबादबाट लन्डनका लागि उडेको विमान टेकअफको केहीबेरमै दुर्घटनाग्रस्त हुँदा ठूलो मानवीय क्षति भएको छ।
रूपाणीका एक निकट सहयोगी नितिन भारद्वाजले भारतीय सञ्चारमाध्यमलाई खबरको पुष्टि गरेका थिए। लन्डनमा बस्दै आएका भारद्वाजले रूपाणी आफ्नी छोरीलाई भेट्न लन्डन आउँदै गरेको र उनको सिट नम्बर १२ रहेको जानकारी दिए।
एयर इन्डियाको फ्लाइट नम्बर एआई-१७१ ले २४२ जना यात्रु बोकेर दिउँसो १:३८ बजे उडान भरेको थियो। तर, उडेको दुई मिनेटमै विमानस्थलको पर्खालमा ठोक्किएर दुर्घटनाग्रस्त भयो।
प्रारम्भिक अनुसन्धानले विमानको इन्जिनमा आएको प्राविधिक गडबडीलाई दुर्घटनाको कारण मानेको छ। दुर्घटनास्थलमा उद्धार कार्य तीव्र गतिमा जारी छ।
उद्धारकर्मीहरूले विमानको भग्नावशेषबाट अहिलेसम्म ५० जनाको शव निकालिसकेका छन्। आगलागी र विमानको क्षतिका कारण मृतकको सङ्ख्या अझै बढ्न सक्ने अधिकारीहरूले बताएका छन्।
काठमाडौं : राष्ट्रपति रामचन्द्र पौडेलले प्रधानमन्त्री वालेन्द्र शाह (बालेन)सँग मुलुकका विभिन्न भागमा भएको विषम घटना र परिस्थितिका बारेमा जानकारी लिएका...
काठमाडौं : नेपाल पत्रकार महासंघले देशका विभिन्न स्थानमा पछिल्लो समय देखिएका प्रदर्शन र झडपप्रति गम्भीर चिन्ता व्यक्त गर्दै धार्मिक सहिष्णुता,...
काठमाडौं : प्रधानमन्त्री वालेन्द्र शाहले सुनसरीको देवानगन्ज, सिरहालगायतका क्षेत्रमा भएको हिंसात्मक घटनापछि उत्पन्न तनावपूर्ण अवस्थाप्रति सरकार पूर्ण रूपमा गम्भीर र संवेदनशील...
