भेनेजुएलामा अमेरिकी आक्रमण, भेनेजुएलाका राष्ट्रपति मादुरोलाई पक्राउ गरेको ट्रम्पको दाबी

नयाँ विकल्प संवाददाता
प्रकाशित मिती: २०८२ पुष १९, १८: ३४

अमेरिकी राष्ट्रपति डोनाल्ड ट्रम्पले संयुक्त राज्य अमेरिकाले भेनेजुएलाका राष्ट्रपति निकोलस मादुरो र उनकी पत्नीलाई पक्राउ गरेको दाबी गरेका छन्।

अन्तर्राष्ट्रिय मिडियाका अनुसार भेनेजुएलामा गरिएको ‘ठूलो स्तरको’ आक्रमणपछि उनीहरूलाई नियन्त्रणमा लिएर देशबाहिर लगिएको दाबी ट्रम्पले गरेका छन्।

यसअघि भेनेजुएलाको सरकारले अमेरिकाले देशका विभिन्न राज्यमा रहेका नागरिक तथा सैनिक प्रतिष्ठानमाथि आक्रमण गरेको आरोप लगाउँदै वाशिङ्टनको ‘सैनिक आक्रामकता’अस्वीकार गरेको थियो।

लगातारका आक्रमणपछि राष्ट्रपति मादुरोको सरकारले देशभर राष्ट्रिय आपतकाल घोषणा गरेको छ। घटनाक्रमपछि अमेरिका–भेनेजुएला सम्बन्धमा गम्भीर तनाव उत्पन्न भएको छ।

अमेरिकाले शनिबार मध्यराति भेनेजुएलाको राजधानी काराकास, मिरान्डा, अरागुआ र ला गुएरा राज्यमा रहेका सैन्य अड्डाहरूमा हवाई आक्रमण गरेको थियो।

सम्बन्धित समाचार

सामाजिक सद्भाव खलबलिने कुनै पनि कार्यमा संलग्न नहुन कांग्रेसको आग्रह

२०८२ पुष १९, १८: ३४

काठमाडौं : नेपाली कांग्रेसले सुनसरीको देवानगञ्ज र कप्तानगञ्जमा भएका दुःखद घटना र त्यसपछिको तनावपूर्ण परिस्थितिप्रति गम्भीर चिन्ता व्यक्त गर्दै सामाजिक...