अख्तियारले एक्सन लिंदा एमालेमा रुवाबासी

नयाँ विकल्प
प्रकाशित मिती: २०७४ कार्तिक २७, ०९: २७

काठमाडौं । प्रतिनीधिसभा र प्रदेश सभा चुनावको संघारमा अख्तियार दुरुपयोग अनुसन्धान आयोगले कारवाही बढाएपछि एमालेभित्र खैलाबैला मच्चिएको छ । त्यसको मुख्य कारण भनेको अख्तियार दुरुपयोग अनुसन्धान आयोगले एमालेकी पूर्व ऊर्जामन्त्री राधा ज्ञवालीलाई बयानका लागि बोलाएका कारण एमालेमा अझ बिषेश गरि केपी ओली समुहमा खैलाबैला मच्चिएको हो ।
ज्ञवालीलाई ट्रान्सफर्मर खरिद प्रकरण लगायतका विषयमा छानविनका लागि अख्तियारले बोलाएको बताइएको छ । ज्ञवाली उर्जामन्त्री हुँदा विद्युत प्राधिकरणको कार्यकारी निर्देशक मुकेशराज काफ्ले थिए । काफ्लेलाई काम गर्ने मौका नै नदिकन मन्त्रालयमा हाजिर गराउँदै ट्रान्सफर्मर खरिद प्रकरण अगाडि बढाएकी थिइन् ।

मन्त्री ज्ञावली कांग्रेसका तत्कालिन सभापति सुशील कोइराला नेतृत्वको सरकारमा उर्जामन्त्री थिइन् । ट्रान्सफर्मर खरिद प्रकरणमा मुछिएपछि सुशील कोइरालाले मन्त्री ज्ञावलीलाई बर्खास्त गरेका थिए ।
सोलु कोरिडोरको टेण्डर प्रक्रियामा अनियमितताको आरोप लागेकी पूर्वमन्त्री ज्ञवालीले विद्युत प्राधिकरण सञ्चालक समितिको अध्यक्ष हुँदै नभएको दरबन्दी सिर्जना गरी हुमबहादुर के.सी.लाई निर्देशक बनाई आर्थिक चलखेल गरेको प्राधिकरणका जानकारहरुले बताएका छन् । प्राधिकरणमा सामान्यतः उर्जासचिव बोर्ड अध्यक्ष रहने व्यवस्था छ ।

एमाले अध्यक्ष केपी ओली निकट मानिने ज्ञवालीले ओलीलाई महिनावारी मोटो रकम बुझाउनु पर्ने बाध्यकारी अवस्था रहेको कारण ज्ञवालीले प्रक्रिया विपरीत आर्थिक चलखेल गर्ने गरेको सम्वद्ध स्रोतले बताएको छ ।
उर्जा मन्त्रालयमा ब्रम्हलुट गर्नकै लागि पूर्वमन्त्री ज्ञवालीले राजेन्द्र किशोर क्षत्रीलाई उर्जासचिव बनाएर ल्याएकी थिइन् । हाल क्षत्री पनि बयानका लागि अख्तियार दुरुपयोग अनुसन्धान आयोग धाइरहेका छन् । क्षेत्रीको बयान सकिएसंगै पूर्वमन्त्री ज्ञावलीलाई अख्तियारले बयानका लागि बोलाउने तयारी गरेपछि एमालेमा खैलाबैला मच्चिएको हो ।
नेपालको इतिहासमा पूर्वमन्त्री ज्ञवालीको कार्यकालमा सबैभन्दा बढी १८ घण्टासम्म लोडसेडिङ्ग भै जनता अन्धकारमा बस्न बाध्य भएका थिए । सिन्धुपाल्चोक र अन्य वितरण केन्द्रका सातवटा ट्रान्सफर्मर परीक्षण गर्दा तामाको तारको सट्टा आल्मुनियम भेटिएपछि हुवेईका ट्रान्सफर्मर नक्कली भएको पत्ता लागेको थियो ।

सम्बन्धित समाचार

सामाजिक सद्भाव खलबलिने कुनै पनि कार्यमा संलग्न नहुन कांग्रेसको आग्रह

२०७४ कार्तिक २७, ०९: २७

काठमाडौं : नेपाली कांग्रेसले सुनसरीको देवानगञ्ज र कप्तानगञ्जमा भएका दुःखद घटना र त्यसपछिको तनावपूर्ण परिस्थितिप्रति गम्भीर चिन्ता व्यक्त गर्दै सामाजिक...