- अनामनगर काठमाडौँ
- infobikalpa21@gmail.com
काठमाडौं : भोटेकोशीमा गएको भीषण बाढी तथा प्राकृतिक विपद्को असरबारे छलफल गर्न आज बेलुका भोटेकोशी प्राकृतिक विपद् व्यवस्थापन समन्वय समितिको बैठक बस्ने भएको छ ।
भोटेकोशी प्राकृतिक विपद् व्यवस्थापन समन्वय समिति, नेपाली कांग्रेस संसदीय दल बागमती प्रदेश सभाको बैठकमा संघ, प्रदेश र स्थानीय सरकारबीच आवश्यक समन्वय र आगामी कार्ययोजनाबारे विस्तृत छलफल गरिने जनाइएको छ ।
गत भदौ १० गते भोटेकोशीमा आएको बाढीले रसुवा, नुवाकोट र धादिङ जिल्लामा ठुलो जनधनको क्षति पुर्याएको थियो । प्रभावित क्षेत्रमा उद्धार, राहत वितरण तथा पुनःस्थापनाका कार्यलाई प्रभावकारी बनाउन तीन तहका सरकारबीच सहकार्य आवश्यक रहेको निष्कर्षसहित बैठक आह्वान गरिएको हो ।
भदौ १४ गते बसेको संसदीय दलको बैठकले नेपाली कांग्रेसका बागमती प्रदेशसभा सदस्य रमेशकुमार महतको संयोजकत्वमा समिति गठन गरेको हो । जसको सदस्यमा प्रभात तामाङ, मधुकुमार श्रेष्ठ र विनु रायमाझी रहेका छन् ।
बैठक काठमाडौंको महाराजगञ्जस्थित रोयल दरबार बैंक्वेटमा साँझ ५:३० बजे बस्नेछ । समितिका संयोजक रमेश कुमार महतले सम्बन्धित सबै सरोकारवालालाई बैठकमा उपस्थित भई आवश्यक निर्णय प्रक्रियामा सहभागी हुन आग्रह गरेका छन् ।
बैठकबाट विपद् प्रभावित क्षेत्रका लागि ठोस रणनीति, राहत व्यवस्थापन र दीर्घकालीन पुनर्निर्माणका उपायहरू तय हुने अपेक्षा गरिएको छ।
काठमाडौं : विभिन्न देशका लागि सरकारले प्रस्ताव गरेका १३ जना राजदूतमध्ये १० जनाको नाम संसदीय सुनुवाइ समितिबाट अनुमोदन भएको छ...
काठमाडौं : राष्ट्रिय स्वतन्त्र पार्टी (रास्वपा) सप्तरीको सुरूंगा नगरपालिका सभापति साविर हुसेन पक्राउ परेका छन् । हुसेनलाई बुधवार लागू औषध...
काठमाडौं : गृहमन्त्री सुधन गुरुङ र भारतीय विदेशमन्त्री एस. जयशंकरबीच बुधबार भेटवार्ता भएको छ । गृहमन्त्रीस्तरीय बिमस्टेक बैठकमा सहभागी हुन...
