- अनामनगर काठमाडौँ
- infobikalpa21@gmail.com
नयाँ विकल्प
काठमाडाैं- नेपाली सेनाकाे श्री वीरेन्द्र अस्पताल, छाउनीमा हेमोडाईलाईसिस (मृगौला सम्बन्धी) उपचार सेवा उपलब्ध हुने भएकाे छ ।
नेपाली सेना र काठमाण्डौं महानगरपालिका बीच हेमोडाईलाईसिस सञ्चालन गराउने बारे आइतबार समझदारी भएकाे छ । प्रधान सेनापति महारथी श्री पूर्णचन्द्र थापा तथा काठमाण्डौं महानगरपालिकाका मेयर विद्यासुन्दर शाक्यले वीरेन्द्र अस्पतालमा खडा भएको हेमोडाईलाईसिस युनिटको एक समारोहका बीच उद्घाटन गरेका छन् ।
हेमोडाईलाईसिस सेवा सूरू गर्न महानगरपालिकाले ३ करोड रकमबाट उपल्बध गराएकाे छ । अस्पतालमा सूरू गरिने हेमोडाईलाईसिसका लागि आवश्यक भौतिक पूर्वाधार,८ बटा हेमोडाईलाईसिस मेसिन, १ थान रिप्रोसेसिङ मेसिन पानी शुद्धिकरण गर्ने प्लान्ट सहित अन्य मेडिकल उपकरणहरु जडान गरिएको छ ।
हेमोडाईलाईसिस सेवा संचालनको लागि आवश्यक ७ जना एमवीवीएस डाक्टर , ३ जना नर्स, लगायतकाे जनशक्ति महानगरपालिकाले उपलब्ध गराउने सेनाले जनाएकाे छ । साथै, उक्त युनिटमा महानगरपालिकाबाट सिफारिस भएका महानगरका मृगौलाका पिडित बिरामीहरुलाई निशुल्क दुई सिफ्टमा सेवा प्रदान गर्ने योजना रहेकाे जनाइएकाे छ ।
८ वटा हेमोडाईलाईसिस मेसिनबाट ४८ जना बिरामीहरुलाई साताको दुई पटक सेवा प्रदान गर्न सक्ने क्षमता रहेको सेनाले जनाएकाे छ । उक्त कार्यक्रममा बलाधिकृत रथी प्रभुराम शर्मा, नेपाली सेनाका रथीवृन्द तथा अधिकृतहरु,काठमाडौं महानगरपालिकाका उपमेयर तथा अन्य पदाधिकारीहरु लगायत सञ्चारकर्मीहरुको समेत उपस्थिति रहेको थियो ।
काठमाडौं : नेपाल राष्ट्र बैंकले आजका (शनिबार)का लागि विदेशी मुद्राको विनिमयदर निर्धारण गरेको छ । राष्ट्र बैंकका अनुसार अमेरिकी डलर...
धनकुटा : धनकुटा उद्योग वाणिज्य सङ्घको वर्तमान कार्यसमितिले आफ्नो कार्यकालमा गरेका महत्वपूर्ण काम तथा उपलब्धि सार्वजनिक गरेको छ। सङ्घले शुक्रबार...
काठमाडौँ : देशभर प्रहरी कार्यालयमा दर्ता हुने आपराधिक मुद्दाको संख्या बढेको छ । आर्थिक वर्ष २०८२/८३ मा अघिल्लो आर्थिक वर्षको...
