प्रधानमन्त्री शेरबहादुर देउवाद्वारा खाेप केन्द्रकाे अनुगमन (तस्विर)

नयाँ विकल्प,
काठमाडाैं- प्रधानमन्त्री शेरबहादुर देउवाले उपत्यकाका विभिन्न अस्पताल सञ्चालन भएकाे काेभिड विरूद्धकाे खाेप केन्द्रकाे अनुगमन गरेका छन् ।

प्रधानमन्त्री देउवाले उपत्यकाका अर्थोपेडिक अस्पताल जोरपाटी, शिक्षण अस्पताल महाराजगंज, वीर अस्पताल, नेपाली सेना र स्थानीय निकायले सामाखुशीमा संचालल गरेको खोप केन्द्र र ललितपुर महानगरपालिकाले संचालन गरेको कुपण्डोल खोप केन्द्रको अनुगमन गरेका छन् ।

अमेरिकी सरकाले दिएकाे १६ लाख डाेज जाेन्सन एण्ड जाेन्सन खाेप आजदेखि सर्वसाधारणलाइ समेत लगाउन थालिएकाे छ । प्रधानमन्त्री देउवाले गरेकाे निरिक्षणमा नेपालकालागि अमेरिकी राजदुत समेत सहभागि भएका थिए ।

प्रधानमन्त्री देउवाले खोप केन्द्रलाई व्यवस्थित बनाउन पनि निर्देशन दिएका छन्। देउवाले सरकारको पहिलो प्राथमिकता सबै नागरिकलाई खोप रहेकाे बताएका छन् ।