- अनामनगर काठमाडौँ
- infobikalpa21@gmail.com
काठमाडौंः विगत एक दशकदेखि छोरा कृष्णप्रसाद अधिकारीको हत्यारालाई कारबाहीको माग गर्दै अनसन बस्दै आएकी गोरखा फुजेलकी नन्दमायाँ अधिकारीको स्वास्थ्य अवस्था चिन्ताजनक भएको छ । पछिल्लो समय जेठ १५ गतेदेखि छोरा कृष्णप्रसादको हत्या गर्ने दोषीलाई कारबाहीको माग गर्दै आमरण अनसन बसेकी गंगामायाँको शरिर सुन्निएर जटिल बनेको छ । उनको हात सुन्निएर नसा नभेटिएपछि घाँटीको नसाबाट स्लाईन पानी दिइएको बीर अस्पतालका निर्देशक डाक्टर भूपेन्द्र बस्नेतले जानकारी दिए ।
नन्दमायाका छोरा कृष्णप्रसादको स्थायी घर गोरखाको फुजेलबाट चितवन आफन्तकोमा गएको बेला तत्कालिन माओवादी कार्यकर्ताले २४ जेठ २०६१ मा हत्या गरेका थिए । छोराको हत्याका दोषीलाई कारबाही गर्नु पर्ने भन्दै आमा गंगामाया र बुबा नन्दप्रसादले आमरण अनसन बसेका थिए । अनसनकै क्रममा नन्दप्रसादको ६ असोज २०७१ सालमा बीर अस्पतालमा आमरण अनसन बसेको ३ सय ३४ आंै दिन मृत्यु भएको थियो । नन्दप्रसादको अन्त्येष्टी अझै भएको छैन् ।
उनको शब शिक्षण अस्पताल महाराजगञ्जमा छ । कांगे्रस नेता केसीले सर्वोच्च अदालतको आदेशलाई समेत सरकारले बेवास्था गर्दै दोषीको खोजी नगरेको दण्डहिनतालाई प्रश्रय दिएको वताए । उनले कृष्णप्रसादको हत्यारालाई कानुन बमोजिम कारबाही गर्न आफूले संसदमा विगतमा आवाज उठाउँदै आएको भन्दै मानवअधिकारवादीसँग पनि उनीको गंगामायाको जीवन रक्षाको लागि दबाबा दिन माग गरे ।
छोरा कृष्णप्रसादको हत्यमा संलग्न भएको भनी प्रहरीले विगतमा मुद्धा चलाए पनि पछि निष्कृयता देखाएको थियो।
कृष्णप्रसादको हत्याको दोषीहरु छबिलाल पौडेल, जानुका पौडेल, भिमसेन पौडेल र रामप्रसाद अधिकारीलाई हत्या अभियोगमा कारबाहीको माग गर्दै गंगामायाँले अनसन शुरु गरेकी छन् । बीर अस्पतालको आईसीयूको ६ नम्वर बेडमा राखिएका गंगामाया बोल्न नसक्ने अवस्थामा छिन्। उनले अरुले बोलेको सुनेर आँखाले इसारा गर्ने गर्छिन् । गंगामायाँलाई राखिएकै आईसीयूको बेडमा उनका पति नन्दप्रसादको निधन भएको मानवअधिकारकर्मी चरण प्रसाईंले वताए । मानवअधिकारवादी चरण प्रसाईं, कनमणी दीक्षित, कांग्रेस नेता अर्जुननरसिंह केसी लगायतले आइतबार नन्दमायाँ अधिकारीको स्वास्थ्य स्थितिको जानकारी लिँदै उनको जीवन रक्षाको लागि सरकारसँग माग गरे ।
काठमाडौं : प्रतिनिधिसभा बैठक साउन १४ गतेसम्मका लागि स्थगित भएको छ । आज बसेको प्रतिनिधिसभाको बैठकको अन्तिममा सभामुख डोलप्रसाद अर्यालले आगामी...
काठमाडौं : अन्तर्राष्ट्रिय क्रिकेट परिषद् (आईसीसी) ले पुरुष टी–२० विश्वकप र एकदिवसीय (ओडीआई) विश्वकपको ढाँचामा व्यापक परिवर्तन गर्ने निर्णय गरेको...
काठमाडौँ : चालु वर्ष असार महिना सकिन लाग्दासम्म देशभर धान रोपाइँ करिब ५५ प्रतिशत पुगेको छ। कृषि तथा पशुपन्छी विकास...
