सरकारले ४० लाख मात्रा मोर्डना खोप बालबालिका लागि गाभीमार्फत खरिद गर्दै

नयाँ विकल्प,

काठमाडौं – नेपालले कोरोनाभाइरस (कोभिड -१९) विरुद्धको ४० लाख मात्रा मोर्डना खोप प्राप्तीका लागि कोभ्याक्ससँग सम्झौता गरेको छ ।

कोभ्याक्ससँगको लागत साझेदारीमार्फत विश्व बैंकको वित्तीय सहयोगमा मोर्डना खोपका लागि साझेदार गाभीसँग सम्झौता गरेको हो ।

गाभीसँग सम्झौता गर्ने नेपाल विश्वकै दोस्रो देश बनेको छ ।

सन् २०२२ को मार्चदेखि खोपको आपूर्ति सुरु हुने स्वास्थ्य मन्त्रालयले जनाएको छ ।

१२ देखि १७ वर्ष उमेर समूहका बालबालिका र किशोरकिशोरी उक्त खोप प्रभावकारी हुने समेत जनाएको छ ।

विश्व बैंकका नेपाल निर्देशक फरिस हदाद जर्भोभले महामारीविरुद्धको स्वास्थ्य सहायतामा बैंक नेपालसँगै रहेको जनाएका छन् ।

महामारी सुरु भएयता विश्व बैंकले नेपाललाई १०४ मिलियन डलर बराबरको स्वास्थ्य सहायता उपलब्ध गराएको छ ।