प्रचण्ड भावुक बन्दै चुनावी मैदानमा

नयाँ विकल्प
प्रकाशित मिती: २०७४ मंसिर ११, ०८: २५

काठमाडौं । गत आईतबार पुष्पकमल दाहाका एक मात्र सुपुत्र प्रकाश दाहालको अल्पायुमा हृदयघातबाट निधन भएपछि ने.क.पा माओवादी केन्द्रका अध्यक्ष तथा पूर्व प्रधानमन्त्री पुष्पकमल दाहाललाई एकाएक ठूलो पारीवारिक बज्रपात प¥यो । केही वर्ष अगाडि छोरीको क्यान्सर रोगबाट निधन भएको थियो भने अहिले एकाएक छोरा प्रकाशको निधनले आईतबार बिहान राजनैतिक वृतमा निकै ठूलो तनाव देखियो ।

प्रतिनिधि सभा र प्रदेश सभाको निर्वाचनको लागि राजनैतिक दलहरु चुनावी मैदानमा भएपनि सबै एकाएक दलका नेता तथा कार्यकर्ताहरु नर्भिक अस्पताल हुँदै आर्यघाटसम्म पुगेर अध्यक्ष प्रचण्डलाई सहानुभूति दिँदै समवेदना प्रकट गरे । त्यसपछि २ दिन प्रचण्ड निवासमा छोरा प्रकाशको निधनको समवेदना प्रकट गर्न पुगेका शुभचिन्तक तथा राजनैतिक दलका नेता, कार्यकर्ता लगायतसँग अध्यक्ष दाहाल निकै भावुक भएका थिए । तर देशका सबै तह र तप्काका व्यक्तिहरुबाट पाएको शुवेच्छालाई भने उनले अभिभावकत्व प्राप्त गरेको महशुस गरे ।

त्यसैले उनले त्यो दुःखद क्षणको शोकलाई शक्तिमा बदल्ने भन्दै पुन चुनावी मैदानमा उत्रिएका छन् । छोरा प्रकाशको निधनको ३ दिन नबित्दै आफ्नो चुनावी क्षेत्र पुगेका अध्यक्ष प्रचण्ड बेलाबेलामा केही कुरामा अलि भावुकता देखिए पनि चुनावी कार्यक्रममा भने यथावत् गर्न थालेका छन् । निर्वाचनमा निस्कनुभन्दा अगाडि लाजिम्पाटस्थित आफ्नै निवासमा आएका शुभचिन्तकहरुसँग यस्तो भनाई राखेका थिए । “यो घटना स्तब्ध हुने घटना भयो हाम्रो परिवारलाई । दुर्घटना भनेर जे हुन्छ, त्यस्तै भयो ।

यस्तो हस्पिटल, सारा विज्ञानको विकास भएको छ । तर हस्पिटल नलगीकन (प्रकाश) गयो । यसलाई हामीले दुर्घटनाजस्तो मानेका छौं । तपाईंहरुले हामीलाई जुन समवेदना प्रकट गर्नुभएको छ, त्यसले हामीलाई ठूलो शक्ति प्रदान गरेको छ । म्याडम पनि विस्तारै सम्हालिन थाल्नु भएको छ । सबै त छोराछोरी हुन । हामीले देशैभरिका जनताले हामीबाट अविभावकको जस्तो भूमिका खोजेका छन, त्यसैले हामीले धैर्य गर्नुपर्छ भनेपछि विस्तारै नर्मल हुनेतिर गएको छ । पुरै नर्मल भइसकेको त छैन । तर विस्तारै नर्मल हुनेतिर गएको छ । हिजो समाचार सुन्ने बित्तिकै श्रद्धाञ्जलीमा, दाहसंस्कारमा जस्तो सहभागिता देखियो, त्यसका लागि हाम्रो परिवारको तर्फबाट पार्टीको तर्फबाट यहाँहरु सबैप्रति आभार प्रकट गर्न चाहन्छु” भन्दै धन्यवाद दिए ।
पीडा त ठूलै छ । मैले त पार्टीको ‘लिडर’ को हैसियतले सबै घटना, हिजोका युद्ध, शान्तिका घटनाले गर्दा मैले त एक ढंगले ‘रियलाइज’ गर्न सक्ने नै छ । तर परिवारलाई सम्हाल्न गा¥हो छ । किनभने, पहिले छोरीको दुर्घटना त्यसपछि भावुक तीन वर्ष नहुँदै छोराको घटना– यो घटनाले जुन विक्षिप्तता ल्याएको छ, त्यसलाई तपाईंहरु जस्ता साथीहरुको समवेदना, सहयोगले शक्ति प्राप्त भएको छ । यति भन्दै गर्दा प्रचण्ड निकै भावुक भएर भित्रतिर छिरे ।